''Bu gedişlə karyeramı 30 yaşımda bitirəcəm''
''Mançester Siti''nin üzvlərinin çox sıx təqvim üzündən FİFA və UEFA-ya iradları davam edir.
Bu il müxtəlif vaxtlarda baş məşqçi Xosep Qvardiola, eləcə də Kevin De Bruyne, Erlinq Holann, Bernardo Silva kimi futbolçular təqvimdən narazılıqlarını dilə gətirmişdilər. Onların sırasına Manuel Akanci də qoşulub. ''Siti''nin və İsveçrə yığmasının 29 yaşlı müdafiəçisi hətta bu gedişlə karyerasını 30 yaşda bitirəcəyini istisna etməyib:
''FİFA ve UEFA hər il təqvimi daha da sıxlaşdırır. Oyun sayını artıra-artıra hər şeyin əvvəlki kimi olacağını düşünmək düzgün deyil. Futbolçuları da düşünmək lazımdı. Biz də insanıq. Bizim də canımız var. Müəyyən andan sonra hiss edirsən ki, artıq çox yorulmusan və qarşıdakı oyuna çıxmaq istəmirsən. Məhz həmin məqamda da zədələr başlayır. Bunun bir ''çərçivə''si olmalıdı. Bu gedişlə mən 30 yaşımda karyeramı bitirməli olacam''.
ƏLİ
Digər xəbərlər
