“Düşünmürəm ki, orda işlər yolunda getmir. Samir Abasov azərbaycanli məşqçilərin içində özünəməxsus futbol görüşü olan biridi, gördüyü iş göz qabağındadı. Azərbaycan çempionu olub, "Qarabağ" kimi rəqibi geridə qoymağı bacarıb. Son illərdə heç kimin bacarmadığını edib. O "Sumqayıt"a gələndən sonra klubda əməlli inkişaf görünür. Müqayisə etsək, inanmıram ki, belə nailiyyətlər əldə edən adam indi səhv işləsin. Sadəcə, futbol elə idman növüdü ki, bəzən oyunçuların uyğunlaşması, bəzən rəqiblərin güclənməsi - bütün bunlar mənfi təsir edə bilir. Düşünmürəm ki, Samiri istefaya göndərsinlər. Hə, başlanğıcdakı nəticələr ürəkaçan deyil, daha çox xal yığa bilər. Bunun səbəblərini açıqlaya bilmirəm. Çünki komandanın içində olmadan hansısa fikir bildirmək çətindi. Komandanın ən azı 6-cı pillədən daha yuxarı yerlər uğrunda mübarizə aparacağına əminəm. Amma “avrokubok zonası”na düşüb-düşməyəcəklərini indidən demək çətindi. Uzun marafondu, burda oyunçu ehtiyatı olması vacibdi. Ötən illə müqayisə etsək, bəzi oyunçularını itirdilər. Gedənlər Samirin düşüncəsini anlayan oyunçular idi. Yeni gələnlər isə onun istədiyi oyunu tam oynaya bilmir. Çıxış yolu zamandı. Əminəm ki, bir müddət sonra "Sumqayıt" oyununu ortaya qoya biləcək. Qış fasiləsində yeni transfer etmək məcburiyyətindədilər. Çünki digər rəqiblər də gücləndilər. Həm "Sabah", həm də "Qarabağ" kimi komandalara qarşı oynayanda təcrübəli oyunçular yoxdusa, çətin olur".