Gürcüstan liderdi, Ukrayna autsayder - İCMAL
B liqasının 1-ci qrupunda keçirilən növbəti oyunlar da postsovet məkanından olan iki yığma üçün fərqli nəticələndi: komandalardan biri yenə qələbə qazandı, digəri isə məğlub oldu.
İlk turda Tiflisdə Çexiyaya 4:1 hesabıyla qalib gələn Gürcüstan yığması Millətlər Liqasına inamlı qələbə ilə başlamışdı. Villi Sanyolun komandası Albaniyada da maksimum nəticəyə nail oldu. Amma səfər oyunu qafqazlılar üçün heç də asan keçmədi. İlk hissədə vurğulanası ciddi epizoda təsadüf edilmədi. Fasilədən sonra isə komandaların bir-birinə təzyiqi artdı. Nəticəni isə Koçoraşvilinin 71-ci dəqiqədə vurduğu qol müəyyənləşdirdi: gürcüstanlı sol cinah yarımmüdafiəçisinin qapıya uzaqdan endirdiyi qüvvətli zərbəsindən sonra tirə dəyən top tora daxil oldu. Qonaqlar bundan sonra fərqi artırmaq üçün şanslar qazansalar da, Strakoşa Çakvetadze ilə Davitaşvilinin zərbələrinə inamla reaksiya verdi. Beləliklə, Gürcüstan qrupda vahid liderliyi ələ aldı.
Ukrayna yığması sentyabrın 7-də məlum səbəbdən Praqada keçirilən matçda Albaniyaya 1:2 hesabı ilə uduzmuşdu. Rebrovun komandası bu şəhərdə növbəti oyununu ev sahibi Çexiyaya qarşı keçirdi. Nəticə yenə “sarı-mavilər” üçün üzücü oldu. İlk hissəni çox yaxşı keçirən meydan sahibləri fasiləyə 2:1 hesablı üstünlüklə yollandılar. Arxa xətdə kobud səhvlərə yol verməsi qonaqlara baha başa gəldi – 2:3. Ardıcıl ikinci məğlubiyyət Ukraynanı qrupun autsayderinə çevirdi.
B liqası, 1-ci qrup
Albaniya - Gürcüstan 0:1 (0:0)
Albaniya: Strakoşa, Hüsay, Kumbulla, İsmayli, Mitay, Ramadani, Bayrami (Uzuni, 81), Asllani, Asani (Spahiu, 73), Manay (Seferi, 73), Hoxa (Laçi, 61).
Gürcüstan: Mamardaşvili, Kaşiya, Qvelesiani, Kakabadze, Dvali, Loçoşvili, Kiteişvili, Koçoraşvili (Altunaşvili, 90+3), Çakvetadze, Kvaratsxeliya (Davitaşvili, 75), Mikautadze (Zivzivadze, 86).
Qol: Koçoraşvili, 71.
Vərəqələr: Kiteişvili, 84. Çakvetadze, 88. Uzuni, 89 - sarı.
Hakim: Erik Lambrexts (Belçika).
10 sentyabr. Tirana. 20400 tamaşaçı.
Çexiya - Ukrayna 3:2 (2:1)
Çexiya: Kovarj, Zelenı, Tsoufal, Kreyçi, Vitik, Provod (Linqr, 65), Souçek, Şults (Kuşey, 81), Çerv (Kral, 89), Xorı (Şik, 81), Çernı (Qlojek, 66).
Ukrayna: Trubin, Zinçenko (Pixalenok, 85), Matviyenko, Tımçik, Mikolenko, Zabarnı, Stepanenko (Malinovski, 79), Şaparenko (Sudakov, 69), Yarmolenko (Sıqankov, 69), Mudrik, Vanat (Yaremçuk, 79).
Qollar: Şults, 21 (1:0). Vanat, 37 (1:1). Şults, 45+2 (2:1). Souçek, 80-p. (3:1). Sudakov, 84 (3:2).
Vərəqələr: Kreyçi, 47. Vitik, 48. Çernı, 54. Souçek, 63. Zelenı, 68. Sudakov, 70. Yaremçuk, 81 - sarı.
Hakim: Con Biton (Şotlandiya).
10 sentyabr. Praqa. 18722 tamaşaçı.
1. Gürcüstan 2 2 0 0 5-1 6
2. Albaniya 2 1 0 1 2-2 3
3. Çexiya 2 1 0 1 4-6 3
4. Ukrayna 2 0 0 2 3-5 0[/b]
11 oktyabr: Ukrayna - Gürcüstan, Çexiya -Albaniya.
[b]Oyundan sonra
Sergey Rebrov, Ukrayna yığmasının baş məşqçisi:
“Nəticəyə görə çox məyusuq. Təəssüf ki, bizim üçün vacib olan matçda uduzduq. Oyunçulara minnətdaram. Onlar məğlubiyyətdən qurtulmaq üçün son saniyələrə qədər mübarizə apardılar. Niyə ikinci hissədə yaxşı oynamağa başladıq? Çexiya fasiləyə qədər çox aqressiv oyun sərgilədi, güclü təzyiqə qarşı uzun müddət normal mübarizə apara bilmədik. Nəticəni müdafiədəki səhvlərimiz müəyyənləşdirdi. Hətta iki qol vurmağımız da bizə xal qazandırmadı. İkinci hissə çox maraqlı və intensiv keçdi. Daha çox qol vura bilərdik. İstefa? Yox, hələ istefaya yollanmıram (gülür). Bir az gözləyin. Hə, məni oyunumuzla bağlı hər şey qane etmir, amma bu gün futbolçulara istəkli oyununa görə təşəkkür edirəm”.
Digər xəbərlər
