"Oyuna üç saat qalmış Lüksemburq tərəfi keyfiyyətli yayının təmin edilməsinin mümkün olmayacağını bildirdi. Dedilər ki, proses yalnız iki kameranın çəkilişiylə həyata keçiriləcək. Təbii ki, bu say yetərincə azdı. Məşqlər belə iki kamerayla çəkilmir. Bu, həm beynəxalq, həm də "CBC Sport"un yayın standartlarına uyğun deyil. Belədə məcburiyyətdən Uels - Türkiyə matçını yayınlamalı olduq. Təbii ki, prioritetimiz həmişə Azərbaycan futboludu. Hətta dəfələrlə prinsiplərimizə görə tənqid edilmişik. Bəzən yerli tərəfdarların izləməkdə maraqlı olduğu çempionatların əsas oyunları premyer-liqamızdakı matçlarla eyni vaxtda keçirilir. Həmin saatlarda "CBC Sport"un klublarımızın qarşılaşmalarını yayınlaması bəzi izləyicilər tərəfindən etirazla qarşılanır. Unutmaq lazım deyil ki, "CBC Sport" Azərbaycan kanalıdı və ölkəmizin idmanının təbliğ edilməsində maraqlıdı".