“Fiziki və ya psixoloji durumla bağlı problemimiz yoxdu. Hər şey qaydasındadı. Sadəcə, oynadığımız komandaların səviyyəsini və Avropa reytinqini də nəzərə almaq lazımdı. Biz indi Avropa çempionatının təsnifat mərhələsində iştirak edirik. Voleybolçularımızda böyük təcrübə problemi var. Oyunlara baxanda da yol verdiyimiz səhvlərin uşaq səhvləri olduğu görünür. Bu da gənc oyunçuların təcrübəsizliyindən irəli gəlir. Heyətimizdə bu gün 3-4 gənc oyunçu yarışlara qatılıb. Məsələn, əsas heyətdən Yusif Bünyadov, Cavid Əzimov, Aslan Həmidov, Nihad Qasımov kimilərin adını çəkə bilərəm. Bu uşaqlar əsas yığmada ilk yarışa çıxırdı. Bundan əvvəl gənclər millisində olublar, klublarda oynayıblar. Gənc və perspektivli olduqlarına görə biz onları milliyə cəlb etmişik ki, təcrübə qazansınlar. Komandamız yeni yığılıb. Cəmi iki ay təlim-məşq toplanışımız olub. Ümid edirəm ki, belə oyunlar komandamın təcrübə qazanmasında böyük rol oynayacaq. Beynəlxalq yarışlarda təcrübəsizlik mərhələsini keçməliyik. İnanıram ki, gələcək illərdə komanda əvvəlkindən daha yaxşı oynayacaq. Gənclərdən ibarət, yeni qurulmuş komanda üçün bu məğlubiyyətlər normal sayılır”.