“Həmin qolla bağlı, ümumiyyətlə, danışmaq istəmirəm. Ən azı fakt olaraq hamı gördü ki, Kilian Lebon yerdə uzanmışdı, qapıçımız Kristian Avram topu çıxarana yaxın ayağa qalxdı. Həmin vaxt da qolkiperimiz onun ayağa qalxdığını görmürdü. Ən azı “Neftçi” topu qaytarmalıydı. Qaytarmadılarsa da, bu onların şəxsi işidi. Hamı görür ki, kim haqlıdı, kim haqsızdı. Bizim etirazımız “Neftçi”nin qapıçısı Rza Cəfərova idi. Biz öz tribunamızdan eşidirdik ki, o, söyüşlər, təhqiramiz ifadələr işlədir. Ən azı ordakı şəxslərin əksəriyyəti yaşca Rzadan böyükdü. Yəni 21-22 yaşlı gənc indi bunu edirsə, gör gələcəkdə nələr edə bilər. Rza həmin məqamda emosiyalarına sahib çıxmalıydı. O, konkret bizim əməkdaşımızı mübahisəyə çağırırdı: “Oyundan sonra sənlə görüşəcəyəm, belə edəcəm, elə edəcəm”. Oyun bitəndən sonra da əməkdaşımızın üstünə yürüməsi, onu itələməsi düzgün deyil. Bir azarkeş olaraq düşünürəm ki, ən azı buna görə Rza cəzalandırılmalıdı. İşlətdiyi təhqirlərə və etdiyi hərəkətlərə görə 2-3 oyunluq cəza almalıdı. Yəni cəzasız qalmamalıdı. Yəqin ki, AFFA da buna qiymət verəcək. Olan meydanda oldu və bitdi. Ancaq matç bitəndən sonra bilərəkdən meydanın küncünə tərəf qaçması, oyun zamanı etdiyi əl-qol hərəkətləri yanında qalmamalıdı. Biz də komandamızın əməkdaşının və məşqçisinin yanında olmalıydıq və olduq da. Ədalətli qərar kimi Rzanın cəzalandırılmasını gözləyirik”.