“Qarabağ Ordu” sürpriz hazırlayıb? - “700 nəfərdən çox olacağımız bəllidi”
“Qarabağ”ın “Dinamo Zaqreb”lə oyununa bir neçə saat qaldı.
Hər kəs səbirsizliklə həlledici görüşü gözləyir. Ən çox hazırlaşan isə Ağdam klubunu ev oyunlarında stadiondan dəstəkləyən doğma azarkeşləridi.
Bəs “Qarabağ Ordu” axşamki oyuna necə hazırlaşır? Fanklubun üzvü Hikmət Əlizadə “Football-plus”a açıqlamasında bu sözləri deyib:
“Axşamkı oyunla bağlı hər şey qaydasındadı. Dəqiq sayımızı demək istəmirəm, amma sektoru, demək olar, dolduracağıq. 700 nəfərdən çox olacağımız bəllidi. Oyuna heç bir xüsusi hazırlıq görmədik, mövsüm yeni başlayır, qrupun bir çox üzvləri şəhərdə deyil. Ona görə də az vaxt ərzində nəsə araya-ərsəyə gətirsək, düşünürəm ki, keyfiyyətsiz olar. Mövsüm hələ irəlidədi və görəcəyimiz iş çoxdu”.
RÖYANƏ OĞUZ
Digər xəbərlər
