“Hələ ki xüsusi bir şey hazırlamamışıq, yəqin olmayacaq da. Düşünürəm ki, ən yaxşı motivasiyanı Qurban Qurbanov verəcək. Onsuz da futbolçuların qrafiki sıxdı. Əvvəlki illərdə komanda gedəndə də, gələndə də, hətta məğlub olanda da hava limanında qarşılamışıq, yola salmışıq. İndi isə bəhanə kimi görünsə də, vaxt çatdırmırıq. Bu, bir qədər təşkilatı məsələlərlə də bağlıdı. Fərdi şəkildə kimsə hava limanına gedə bilər. Amma kollektiv gedəndə nəqliyyat lazımdı. Bilirsiz ki, "İmarət" müstəqildi, hər şey öz hesabımızadı. Bu da maliyyə tələb edir. Azərbaycan reallığında azarkeşlərlər stadionu doldurmur. Türkiyədə və ya başqa ölkədə olsaydıq, dünyanın ən güclü fanklublarından biriydik. Azərbaycanda stadiona 100 nəfər gəlirsə, uzağı bir azarkeş tapa bilərsən. Gərək stadion dola ki, min nəfər arasəndan müəyyən dəstəkçi də tapa biləsən. İndi stadiona gələnlərin hamısı da fanat deyil. Avrokuboklarda, vacib oyunlarda stadion dolur. Amma onun bir qismi bizim kimidi, o baxımdan da işimiz çətindi. Topladığımız qrupu tərk edənlər, ayrılanlar da var. Maliyyə, pul, enerji, vaxt baxımından hər şeyi çatdıra bilmirik”.