Braziliyalı futbolçu Neapola gəldi

“Napoli” gözlənilən transferi reallaşdırıb.

Neapol klubu “Benfika” ilə hücumçu David Neresin keçidi üçün yekun razılıq əldə edib. “Transfermarkt” saytının məlumatına görə, İtaliya klubu 27 yaşlı braziliyalı vinger üçün 28 milyon avro ödəyib. Braziliyalı futbolçunun “Napoli” ilə bağladığı müqavilənin müddəti 4 illikdi.

Qeyd edək ki, Neres ötən mövsüm “Benfika” ilə bütün turnirlərdə 35 matça çıxaraq 5 qol vurub və 10 qolun ötürməsini edib.