Misli premyer-lqasının 2-ci turunda “Araz-Naxçıvan” “Şamaxı”nı məğlub etdi - 1:0.

Yeni mövsümdə ilk qələbəsini qazanan Elmar Baxşıyevin komandasının moldovalı qapıçısı Kristian Avram “Football-plus.az”ın suallarını cavablayıbb.

- Oyunu necə şərh edərdin?
- Minimal hesablı, amma xoş və çətin bir qələbə oldu. Bu qələbə bütün komandanın əməyinin nəticəsidi. Çünki həftəboyu məşqlərdə çox çalışdıq. Məşqçilər korpusunun tapşırıqlarını tam şəkildə yerinə yetirdik.

- “Şamaxı” elitaya yeni qayıtsa da, sizin kimi yeni komanda formalaşdırıb...
- Bəli, elədi. Məşqçilər korpusumuz çox təcrübəlidi. Bizə düzgün göstərişlər verdi. Rəqibi çox yaxşı təhlil etmişdik. Biz oyunçulara yalnız meydanda düzgün hərəkət etmək və bizdən tələb olunanları yerinə yetirmək qalırdı.

- Növbəti turda “Zirə” ilə qarşılaşacaqsız.
- ''Zirə'' hazırlığa və rəsmi oyunlara çoxdan başlayıb. Biz isə cəmi 2-ci oyumuzu keçirdik. Amma bu o demək deyil ki, meydanda dayanıb onları izləyəcəyik. Bizim də öz prinsiplərimiz, tələblərimiz var. Digər rəqiblərə qarşı necə hazırlaşırdıqsa, bu oyuna da elə hazırlaşacağıq. Ümid edirəm ki, meydandan yaxşı nəticə ilə ayrılacağıq.

RÖYANƏ OĞUZ