Konfrans Liqası
3-cü təsnifat mərhələsi, ilk oyun
Sent Patriks (İrlandiya) – Sabah 1:0 (1:0)
94. Jozef Ananq
21. Aksel Sjöberq
5. Tom Qrivosti
4. Jozef Redmond
3. Antoni Breslin
6. Cemi Lennon
(16. Aaron Bolcer, 88)
8. Kris Forrester
17. Romal Palmer
(11. Ceyson Makklilland, 88)
20. Cek Mulraney
(10. Kian Levi, 71)
18. Aydan Kina
(9. Meyson Melia, 46)
26. Zaxari Elbuzedi
(14. Brendon Keyvinic, 79)
Ehtiyat oyunçular
1. Daniel Rocers
19. Aleks Nolan
22. Konor Kili
23. Rayan Maklauclin
24. Luk Törner
30. Al-Amin Kazeem
31. Maykl Nuunan
Baş məşqçi: Stiven Kenni
1. Yusif İmanov
7. Boyan Letiç
3. Con İrasabal
44. Sofyan Çakla
2. Amin Seydiyev
4. Elvin Camalov (k)
70. Cesse Sekidika
(88. Xəyal Əliyev, 82)
13. İvan Lepinitsa
20. Coy-Lens Mikels
(10. Namik Ələskərov, 72)
11. Kahim Parris
(5. Rəhman Daşdəmirov, 72)
18. Pavol Şafranko
(99. Neqoş Kupusoviç, 82)
Ehtiyat oyunçular
55. Nicat Mehbalıyev
94. Rəvan Mirzəmmədov
6. Abdulla Xaybullayev
9. Anatoli Nuriyev
17. Tellur Mütəllimov
22. Abdulla Rzayev
33. Camal Cəfərov
77. Şakir Seyidov
Baş məşqçi: Krunoslav Renduliç

Qol: R.Palmer, 35.
Vərəqələr: İ.Lepinitsa, 28. C.İrasabal, 31. R.Daşdəmirov, 74. R.Palmer, 78 – sarı. İ.Lepinitsa, 53 – qırmızı (ikinci sarı).
Hakimlər: VİLYALMUR TORARİNSSON, Gilfi Mar Siqurdsson, Birkir Siqurdarson, Helgi Mikael Yonasson (hamısı İslandiya).
VAR hakimi: Darren Enqland (İngiltərə).
Hakim-inspektor: Svin Bindels (Lüksemburq).
UEFA nümayəndəsi: Damien Mollerd (İsveçrə).
8 avqust. Dublin. “Tallaght” stadionu. 4352 tamaşaçı.
Birinci hissəyə 1, ikinci hissəyə 5 dəqiqə əlavə olunub.

13 (6) qapıya (“çərçivə”yə zərbə) 4 (1)
12 künc zərbəsi 2
0 ofsayd 0
12 qayda pozuntusu 13
1 (0) sarı (qırmızı) vərəqə 4 (1)
62 topa sahibolma (faizlə) 38

“Sabah” güclü komandadı, ya zəif? Krunoslav Renduliç iddialı baş məşqçidi, ya təcrübəsiz? “Bayquşlar”ın Konfrans Liqasının 2-ci təsnifat mərhələsindəki cavab oyununa qədər sualın birmənalı cavabı müsbət yöndə idi. Ona görə ki, ötən mövsümün sonunda premyer-liqada uğurlu oyunlar keçirən mütəxəssis və komandası “Makkabi”ni səfərdə darmadağın etmişdi. Lakin cavab matçı və ölkə çempionatının ilk turunda “Şamaxı” ilə “sülh” əksəriyyətdə şübhə oyatdı. Xülasə Masazır təmsilçisi azarkeşlərini gah böyük uğurlar, gah da fiasko ilə şoka salır.

Və “Sabah” “Sent Patriks”lə ilk görüşdə ikincisini etdi. Halbuki püşk komanda üçün “Makkabi” səddindən sonra hamar yol açmışdı. “Bayquşlar” elə çıxışla tarixə düşdü ki, mərhələni keçsə belə, asanlıqla bağışlanmayacaq! Düzdü, masazırlılar 2-ci dəqiqədə hesabı açmağa yaxın olmaqla göz oxşadı. Daha doğrusu, Mikelsin küncdən zərbəylə oyuna daxil etdiyi topu İrasabal “çərçivə”yə göndərsə də, Ananq yerində idi. Lakin “Sent Patriks”in qısa vaxtda təşəbbüsü ələ alıb diqtə edən tərəfə çevrilməsi aləmi bir-birinə qatdı. Əvvəlcə Mikels – Şafranko – Parris “üçlüy”ünün yaratdığı epizod sonuncunun qeyri-dəqiqliyi üzündən nəticəsiz qaldı. Nə biləydik ki, bu, “bayquşlar”ın oyun ərzində cəmi dörd hücum cəhdindən biri olacaq? Ona görə ki, meydan sahibləri qısa vaxtda qonaqları çəkindirdi. Artıq irlandiyalıların hücum cəhdləri bir-birini izləyirdi. Yusif Zaxari ilə Akselin ardıcıl zərbələrini dəf etdikdən sonra yenicə özünə gəlirdi ki, Palmer toru silkələdi. 35-ci dəqiqədə Mulraneyin qapı önünə asmasını dəqiq zərbəylə “çərçivə”dən keçirən futbolçu komandasını hesabda önə çıxardı.

İş orasındadı ki, “Sabah” nəinki hesabı bərabərləşdirmək üçün irəli atılmağa, hətta topa sahib olmağa belə çətinlik çəkirdi. Qonaqların tək-tük şansları isə zərərsizləşdirilirdi. Bu sırada Parrisin cəhdini xüsusi qeyd etməliyik. O, uzaqdan qapını nişan alsa da, rəqibin müdafiə xəttini yara bilmədi.

Ümumiyyətlə, “Sent Patriks” bizimkilərdən həm inamlı, həm də intizamlı çıxış edirdi. “Bayquşlar” isə istəksiz görünürdü. Yanılıramsa, bağışlayın, amma sadə təkbətək mübarizələrdə belə yenilmək fərqli düşünməyə imkan vermir! Belədə gözlər ikinci hissəyə dikildi ki, burda da bəxtsizlik yaşandı. Mikelsin qapıya yumşaq zərbəsindən və Ananqın asanlıqla təhlükəni sovuşdurmasından sonra hücuma keçən meydan sahibləri Lepinitsanın qaydanı pozmasıyla üzləşdi. İvan cərimə meydançası xaricində Palmerə qarşı kobud müdaxiləyə görə ikinci “sarı” ilə meydandan qovuldu.

53-cü dəqiqədə azlıqda qalan “Sabah”dan uğur gözləmək əbəs görünürdü. Yalnız möcüzəyə inanmaq lazım gəlirdi ki, bu da olmadı. Bir qədər sonra Yusif Mulraneyin fərqi artırmaq cəhdinə imkan vermədi. Letiçin qapıdan aralı keçən zərbəsi isə təhlükə yaratmadı. Hər halda, Redmondun 76-cı dəqiqədə “çərçivə”ni nişan aldığı epizod daha önəmli idi. Ona görə ki, Amin topu meydandan çıxarmasa, “bayquşlar”ın işi daha çətin olacaqdı. Xoşbəxtlikdən “Sent Patriks”in bir qədər sonrakı hücumları da qolla tamamlanmadı. Nə Redmondun künc zərbəsindən qapı önünə göndərdiyi topa müdaxilə edildi, nə də Makklilland və Forrester “çərçivə”ni dəqiq nişan aldı. Baxmayaraq ki, Yusif hər üç cəhddə ləng davranıb durumu kritikləşdirmişdi.

Beləliklə, matç “Sabah”ın məğlubiyyətiylə başa çatdı. İndi “bayquşlar”ı evdə çətin sınaq gözləyir.

KƏNAN BAHADIR