İyulun 31-də Vürtsburqda məşqçilərin beynəlxalq konqresi keçirildi. İştirakçılar sırasında məşhur almaniyalı mütəxəssis Yürgen Klopp da var idi. Tədbirdə ona karyerasının mümkün davamı ilə bağlı sual veriblər.

“Liverpul”un sabiq baş məşqçisi cavabında belə deyib:

- Bu gün mənim üçün məşqçi kimi sondu. Mən öz kefimlə getmədim, bu, ümumi qərar idi. Dünyanın ən yaxşı klublarını çalışdırdım. Bəlkə də bir neçə aydan sonra bu mövzuda yenidən danışa bilərik. Hələ də futbol sahəsində çalışmaq, adamlara təcrübəm və əlaqələrim ilə yardım etmək istəyirəm. Baxaq görək bundan sonra nə etməliyəm…

Bu açıqlama nə deməkdi?
Dünyanın bir çox media quruçu sitatın ilk hissəsini dərhal yayaraq vurğuladılar ki, guya 57 yaşlı almaniyalı məşqçi karyerasını bitirdiyini elan edir. Ancaq getməklə bağlı konkret ifadələr yoxdu, əksinə, Klopp “bu gün” sözünü artırıb.

Almaniyalı sonradan futbolla vidalaşmağa hazırlaşmadığını vurğulayıb. Onun sonrakı sözlərindən aydın olur ki, istirahətə çəkilməklə bağlı yekun qərar hələ verilməyib:

- İndi iş planında, ümumiyyətlə, heç nə yoxdu. Nə klublar, nə ölkələr, ancaq bir qədər də işləməyi düşünürəm. Yalnız padel-tennislə və nəvələrlə məşğul olmaq üçün hədsiz gəncəm. Bu, məşqçi fəaliyyəti olacaqmı? İndiki məqamda istisna edirəm. Bir neçə aydan sonra nəyin necə olacağına baxacağıq. Ancaq indi heç nə baş vermir.

Elə həmin konqresdə Kloop Qaret Sautqeytin istefasından sonra boş qalan İngiltərə yığmasının baş məşqçi postunu tutacağı ilə bağlı şayiələri da dağıdıb:

- “İndi sizin üçün bu istisnanı edəcəm” desəm, bu, futbol tarixində ən böyük sima itirmək olardı.

İndi nə ilə məşğuldu?
Klopp bu ilin yanvarında mövsüm bitincə “Liverpul”dan ayrılacağını elan etdi. Almaniyalı İngiltərə klubunda 2015-ci ildən bəri çalışdı və ona 8 titul qazandırdı. O cümlədən çempion etdi və Çempionlar Liqasında qələbəyə daşıdı. Klopp dəfələrlə deyib ki, qarşıdakı bir il ərzində heç yerdə işləməyi planlaşdırmır. O, məzuniyyətini ailəsinə həsr etmək, ailə üçün evlər – Visbadendə və Malyorkada – tikmək fikrindədi.

Kloppun 57 yaşı var. Məşqçi karyerası dövründə üç kluba – “Maynts-05”, Dortmund “Borussiya”sı və “Liverpul”a rəhbərlik edib. Almaniyalı mütəxəssis hamı tərəfindən etiraf olunan taktik, yenilikçi, sərt pressinq sisteminin tərəfdarıdı, onun komandası topu itirən kimi almağa çalışmalıdı.