“Eşitmişəm ki, güya mən “Kəpəz”dən pula görə ayrılmışam. Bu fikir düzgün deyil. Sadəcə, hər gün yalan eşitdiyimə, eyni zamanda peşəkarlıq və futbolçuya hörmət olmadığına görə ayrıldım. Yeni müqavilə təklif etmişdilər, amma gülməli idi”.

“Bildirmək istəyirik ki, Matenin açıqlamaları komandamızın düşərgəsində böyük təəssüflə qarşılandı. Futbolçunun ittihamlı əsaslı deyil. Dedikləri doğru olsa, iki mövsüm “Kəpəz”in şərəfini qorumazdı. Sadəcə, o, klubdan ayrılmasını uydurma səbəblə izah edir. Mate komandanı məhz pula görə tərk etdi. Başqa səbəb yoxdu. Ötən il də belə durum yaşandı. Başqa klubların təklif göndərdiyini deyərək “Kəpəz”dən böyük miqdarda pul tələb etdi. Lakin sonda dediyimiz məbləğin bir az çoxuna razılaşdı. Bu dəfə də ona büdcəyə və baş məşqçimiz Adil Şükürovun istəyinə uyğun şərtlərlə müqavilə təklif etdik. Amma Mate “Futbol+”ə açıqladığı səbəblərə görə yox, daha çox pulu seçdiyindən ayrıldı. “Kəpəz” olaraq, burda qəribə nəsə görmürük. Futbolçunun daha yaxşı təklifi dəyərləndirməsi normaldı. Amma bizi qeyri-peşəkarlıqla ittiham etməsi qəbuledilməzdi. Belə məsələlər var idisə, daha əvvəldən klubla sağollaşa bilərdi”.