“Bəli, müəyyən problemlərlə üzləşdik. Əlbəttə, bir ay müddətində belə halların yaşanması normaldı. Təkcə biz yox, başqa telekanallar da bəzi hadisələrlə qarşılaşdı. İTV olaraq, bütün bunların tamaşaçıların futbol əyləncəsinə yansımaması üçün əlimizdən gələni etdik. Final matçıyla bağlı rəsmi mövqeyimizi bildirmişik. Bir daha üzrxahlıq etmək istəyirəm. Biz də belə halın yaşanmasını istəməzdik. Sadəcə, problemi aradan qaldırmaq mümkün olmadı. İstənilən halda, işimizi tamaşaçılar üçün görürük. Təbii ki, onların rəyləri bizim üçün vacibdi. Fikirləri üçün hər birinə təşəkkür edirik. Həmçinin tənqidlərdən nəticə çıxarmağa çalışacağıq. Növbəti mötəbər turnirdə belə səhvlərin təkrarlanmasını arzulamırıq”.

“Düzü, İngiltərə yığmasına simpatiyam var idi. Amma komanda finalda məğlub oldu. “CBC Sport”a isə təşəkkür edirik. Bir ay ərzində həmin kanalın şərhçiləri efirimizdə yayınlananan oyunları şərh etdilər. Bunu tamaşaçılar da gördü”.

“Elə məsələdi ki, buna yalnız tamaşaçılar cavab verə bilər. Biz əlimizdən gələnin ən yaxşısını əsirgəmədik. Bütün planları həyata keçirməyə çalışdıq. Lakin dəyərləndirmə yönündə fikirlərə, sadəcə, izləyicilər müəlliflik edə bilər”.