“Səkkiz ildi Braziliyadan kənardayam. İndiyə qədər çox yaxşı təcrübə qazanmışam. Hər bir braziliyalı oyunçunun Avropada oynamaq arzusu var və mən buna çox tez nail ola bildim. Demək olar ki, Braziliya futbolunda oynamadım, erkən ayrıldım və indiyə qədər yaxşı mövsümlər keçirdim. “Kluj”la 2021/22 mövsümündə Rumıniya çempionu, “Traktor”la İran kubokunun qalibi olmuşam. Ona görə də artıq formalaşmış karyeram var. Buna çox şadam. Braziliyada oynamaq və ailəmə yaxın olmaq xəyalım var. Hər şey öz vaxtını gözləyir. Hələlik burda öz tariximizi yazmağa davam edəcəyik”.

“Çempion olmaq istəyirik. “Neftçi” kimi ənənəsi, hekayəsi, titulları çox olan komanda qalib gəlməyə bilməz. Avropa yarışlarına vəsiqə qazanmaq istəyirik. Təəssüf ki, bu il biz kənarda qaldıq. Son turda bizdə geriləmə oldu. Bizim kimi klub böyük yarışlarda mübarizə aparmalıdı. Mən də mümkün qədər çox oyun keçirmək istəyirəm”.

“30-dan çox oyun, 5 qol və 2 məhsuldar ötürmə ilə çox müsbət fərdi mövsüm keçirdim. Avropa yarışlarında yaxşı komandalara qarşı oynadıq. İlk növbədə Konfrasnm Liqasının 2-ci təsnifat mərhələsində “Jelezniçar”a qalib gələrək, növbəti mərhələyə vəsiqə qazandıq, Lakin 3-cü təsnifat mərhələsində “Beşiktaş”a uduzduq. Azərbaycan premyer-liqasında titul qazana bilmədik. Uzun illər ardıcıl çempion olan “Qarabağ” var və o hegemonluğu qırmaq çətindi. Fəqət gələn mövsüm bunun üçün çalışacağıq. Ölkənin ən köklü klubu olduğumuz üçün komandamızı layiq olduğu yerə qoymalıyıq”.