“Azərbaycan kubokunun 1/4 finalının cavab görüşləri çərçivəsində keçirilən "Sabah" - "Neftçi" matçında başverənlər hamıya bəllidi. 75-ci dəqiqədə Səlahət Ağayev Voislav Stankoviçə zərbə endirdiyinə görə qırmızı vərəqə alaraq meydanı tərk etdi. Bundan sonra "Forza Neftçi"nin üzvləri "Neftçi”nin çörəyi haramın olsun" deyə şüarlar səsləndirdi. Meydanı tərk edən Səlahət isə onlara orta barmağını göstərdi. Bu yazını məsul şəxslər oxusun və bu adamı klubdan uzaq tutsunlar. Çünki "Neftçi"yə, onun formasına, azarkeşinə hörmət etməyən kimsə bu kluba layiq ola bilməz. Bu adamı gətirənlər ən azı onun qədər bu kluba, azarkeşə hörmətsizlik edən şəxslər olacaqlar. Yüz ölçüb, bir biçin bəylər. "Neftçi"nin tarixi formasını qaytaran, onu yenidən əvvəlki əzəmətini qaytarmağa çalışan rəhbərlik bu adamı gətirməməlidi. Bu adam "ağ-qaralar"ı haqq etmir. Bu adamı bu kluba gətirən hər kim(lər)disə, o adama da bu klubun çörəyi haram olsun! Bizim dəyərimizin formasını bu kluba hörmət etməyən idarəçi də, oyunçu da, qapıçı da geyinə bilməz. Bu qədər!”