Həm xarakteri var, həm də futbolçu keyfiyyətləri yüksəkdi” - Vüsal İsgəndərlidən xasiyyətnamə
“Sumqayıt”ın heyətinə cəlb etmək istədiyi oyunçulardan biri də Fernando Medeyrosdu.
Albaniyanın “Eqnatiya” klubundan gələcək futbolçu olduqca uğurlu mövsüm keçirib. Müdafiəçi başa çatan mövsümdə 35 oyuna çıxaraq 4 qol, 6 məhsuldar ötürmə ilə yadda qalıb. O, Vüsal İsgəndərli ilə eyni klubun formasını geyib. Vüsalla əlaqə saxlayaraq sabiq komanda yoldaşını soruşduq:
“Fernandonu yaxşı tanıyıram. “Sumqayıt”la bağlı ona danışmışdım. Onunla həmişə yaxşı əlaqəm olub. Çox yaxşı da oyunçudu. Həm xarakteri var, həm də futbolçu keyfiyyətləri yüksəkdi. Ümid edirəm ki, “Sumqayıt”a fayda verər. İstər ölkə, istər şəhər, istərsə də komanda haqda məndən çox şey soruşdu. Mən də bildiklərimin hamısını dedim. İnanıram ki, Fernado “Eqanatiya”daki performansını, hətta daha artığını “Sumqayıt”da göstərə bilər”.
RÖYANƏ OĞUZ
