E qrupu
N 22. Belçika – Rumıniya 2:0 (1:0)
1. Koen Kastels
5. Yan Vertongen
4. Vout Fes
21. Timoti Kastan
3. Artur Teate
(2. Zeno Debast, 77)
24. Amadu Onana
8. Yuri Tilemans
(11. Yannik Karrasko, 72)
22. Jeremi Dokyu
(18. Orel Manqalya, 72)
14. Dodi Lukebakio
(9. Leandro Trossar, 56(
10. Romelu Lukaku
7. Kevin de Bruyne (k)
Ehtiyat oyunçular
12. Tomas Kaminski
13. Mats Zels
25. Maksim De Kuyper
16. Aster Franks
17. Şarl De Ketelare
23. Artur Vermeren
19. Yohan Bakayoko
20. Loi Openda
Baş məşqçi: Domeniko Tedesko
1. Florin Nitse
11. Nikuşor Banku
15. Andrey Burke
3. Radu Drequşin
2. Andrey Ratsiu
(23. Deyan Soresku, 90)
6. Marius Marin
(10. Yanis Haci, 68)
13. Valentin Miheyle
(14. Darius Olaru, 68)
21. Nikolae Stançu (k)
18. Rezvan Marin
20. Dennis Man
19. Denis Drequş
(7. Denis Alibek, 81)
Ehtiyat oyunçular
12. Horatsiu Moldovan
16. Ştefan Tırnovanu
4. Adrian Rus
5. Yonuts Nedelçaru
22. Vasile Moqoş
24. Boqdan Rakovitsan
8. Aleksandru Çikıldeu
17. Florinel Koman
26. Adrian Şut
9. Corce Puşkaş
25. Corce Bırlica
Baş məşqçi: Edvard Yordenesku
Qollar: Y.Tilemans, 2 (1:0). K.de Bruyne, 80 (2:0).
Vərəqələr: D.Lukebakio, 35. N.Banku, 59. M.Marin, 65 – sarı.
Hakimlər: ŞİMON MARÇİNYAK, Tomaş Listkeviç, Adam Kupsik (hamısı Polşa).
VAR hakimləri: Tomaş Kvyatkovski, Bartoş Frankovski (hər ikisi Polşa), Neyc Kaytazoviç (Sloveniya).
22 iyun. Köln. “ReynEnerjiŞtadion” stadionu. 42535 tamaşaçı (43000 yerlik).
Birinci hissəyə 1, ikinci hissəyə 4 dəqiqə əlavə olunub.
Oyunun ən yaxşısı: Kevin de Bruyne.
oyunun statistikası
19 (13) qapıya (“çərçivə”yə) zərbə 9 (4)
9 qayda pozuntusu 11
7 künc zərbəsi 1
5 ofsayd 1
1 (0) sarı (qırmızı) vərəqə 2 (0)
55 topa sahibolma (faizlə) 45
445 (388) ötürmə (dəqiq) 369 (305)
111,2 məsafə (km) 114,9
İlk oyunda fərqli nəticə göstərən komandaların, təbii ki, bu oyunla bağlı da müəyyən niyyəti var idi. Belçika necə olur-olsun, qələbə qazanmaq, Rumıniya isə meydandan ən azı 1 xalla ayrılmaq istəyirdi. Onsuz da Ukraynanın bir gün əvvəl Slovakiyanı məğlub etməsi vəziyyəti qarışdırmışdı.
“Qırmızı iblislər”in yetərincə inamlı qələbə qazandığını demək olar. Artıq 2-ci dəqiqədə ötən oyundan fərqli bu dəfə start heyətində yer alan Tilemans hesabı açdı. O, De Bruyne – Dokyu – Lukaku kombinasiyasını dəqiq zərbə ilə bitirdi. 2-ci qol isə 80-ci dəqiqədə vuruldu. Amma aradakı zaman kəsiyində də belçikalılar meydanda dominantlıq etdi. Ötən oyundakı iki qolu sayılmayan Lukaku bu dəfə də ofsayddan rəqib qapısına yol tapdı. Ukraynaya qarşı parlaq oyun keçirən Rumıniya zaman-zaman təşəbbüsü ələ keçirir, ancaq təhlükəli vəziyyət yaratmaqda çətinlik çəkirdi. Hər halda, Drequşin, Man, Alibek hesabı bərabərləşdirə bilərdi. De Bruynenin 80-ci dəqiqədə vurduğu qol oyunun taleyini həll etdi. Kastelsdən ötürmə alan MS-nin ulduzu qapıçı ilə təkbətək çıxdı və şansını boşa vermədi – 2:0.
Beləliklə, son tur ərəfəsində E qrupunda maraqlı vəziyyət yaranıb. Hətta Avropa çempionatları tarixində ilk dəfə belə hala – son tur ərəfəsində 4 komandanın hər birinin 3 xal toplamasına təsadüf olunur. Nəzəri cəhətdən bütün komandaların istənilən yeri tutmaq şansı var. Onu da xatırladaq ki, sabah keçiriləcək sonuncu turun oyunlarında Slovakiya Rumıniya, Ukrayna Belçika ilə qarşılaşacaq.
1. Rumıniya 2 1 0 1 3-2 3
2. Belçika 2 1 0 1 2-1 3
3. Slovakiya 2 1 0 1 2-2 3
4. Ukrayna 2 1 0 1 2-4 3
Reaksiyalar
Domeniko Tedesko: “Slovakiya ilə oyundakı sxem əsasında oynadıq. Bütün başqa oyunçular kimi, Tilemans da işinin öhdəsindən fantastic şəkildə gəldi. 3 xal qazandığımıza görə şadıq, baxaq görək növbəti oyunda necə olur. Yüksək pressinq hesabına topu əldə etməyə çalışdıq. Rumıniya oyunun axarına nəzarət etməyi xoşlayır. Əlbəttə, bu qələbə çox vacib idi, ancaq bir çox imkanı da ələn verdik. Düşünürəm ki, bu gün 3,4 və ya 5 qol vura bilərdik. Belə qol vəziyyətləri yaratmağımız əladı, bir qədər təmkin göstərməliyik”.
Edvard Yordanesku: “Belçika yığması keyfiyyətli komandadı, sürətlidi, güclüdü, deyərdim ki, titulu qazanmağa namizəddi. Təslim olmadıq, mübarizə apardıq, ancaq bizim üçün çox çətin idi. İkinci hissədə daha yaxşı oynadıq. Bəxtimiz gətirsəydi, xal da qazana bilərdik. Hesabı bərabərləşdirmək üçün şanslarımız oldu. Turnirə yaxşı başlasaq da, bundan sonra çətinliklərin öhdəsindən gəlməliyik. Bizə vahidlik, dəyanət lazımdı”.
Fakt
Tilemans artıq 73-cü saniyədə rəqib qapısına yol tapmaqıa Belçika yığmasının Avropa və dünya çempionatlarının final mərhələsindəki ən erkən qolunu vurdu. Bundan başqa, Tiçemas “Aston Villa”nın 2004-cü ildən bəri AÇ-də qol vuran ilk futbolçusudu. Onda isveçli Markus Olbak Bolqarıstanın qapısına yol tapmışdı.
Tilemansın qolu ilk “3-lük”də
Tilemans AÇ-də ən erkən qol vuranların siyahısında 3-cü pilləyə yüksəldi. Belçika yığmasının yarımmüdafiəçisi yalnız elə bu qitə birinciliyində fərqlənən Nedim Bayramidən və 2004-cü ildə Yunanıstanı 67-ci saniyədə məyus edən Dmirti Kiriçenkodan geri qalır.
AÇ tarixinin ən erkən qolları
tarix oyunçu komanda mərhələ oyun vaxt
15.06.2024 Nedim Bayrami Albaniya qrup İtaliya – 1:2 0.23
20.06.2004 Dmirti Kiriçenko Rusiya qrup Yunanıstan – 2:1 1.07 22.06.2024 Yuri Tilemans Belçika qrup Rumıniya – 2:0 1.14
23.06.2021 Emil Forsberq İsveç qrup Polşa – 3:2 1.22
17.06.2021 Yussuf Poulsen Danimarka qrup Belçika – 1:2 1.39 30.06.2016 Robert Levandovski Polşa 1/8 final Portuqaliya – 1:1, p. – 3:5 1.40
11.07.2021 Lük Şou İngiltərə final İtaliya – 1:1, p. - 2:3 1.57
26.06.2016 Robbi Bredi İrlandiya 1/8 final Fransa – 1:2 2.00
18.06.1988 Sergey Aleynikov SSRİ qrup İngitərə – 3:1 2.07
26.06.1996 Alan Şirer İngiltərə yarımfinal Almaniya – 1:1, p. – 5:6 2.14 12.06.2012 Petr Yiraçek Çexiya qrup Yunanıstan – 2:1 2.14