E qrupu
N 9. Belçika – Slovakiya 0:1 (0:1)
1. Koen Kastels
11. Yannik Karrasko
(14. Dodi Lukebakio, 84)
2. Zeno Debast
4. Vout Fes
21. Timoti Kastan
24. Amadu Onana
18. Orel Manqalya
(19. Yohan Bakayoko, 58)
22. Jeremi Dokyu
(20. Loi Openda, 84)
7. Kevin de Bruyne (k)
9. Leandro Trossar
(8. Yuri Tilemans, 74)
10. Romelu Lukaku
Ehtiyat oyunçular
12. Tomas Kaminski
13. Mats Zels
3. Artur Teate
5. Yan Vertongen
6. Aksel Vitsel
16. Aster Franks
17. Şarl De Ketelare
23. Artur Vermeren
25. Maksim De Kuyper
Baş məşqçi: Domeniko Tedesko

1. Martin Dubravka
16. David Hantsko
14. Milan Şkrinyar (k)
3. Denis Vavro
2. Peter Pekarik
8. Ondrey Duda
(4. Adam Obert, 90+4)
22. Stanislav Lobotka
19. Yuray Kutska
17. Lukaş Haraslin
(7. Tomaş Suslov, 70)
26. İvan Şrants
(20. David Dyuriş, 81)
9. Robert Bojenik
(18. David Strelets, 70)
Ehtiyat oyunçular
12. Marek Rodak
23. Henrik Ravaş
5. Tomaş Riqo
6. Norbert Dyomber
10. Lübomir Tupta
11. Laslo Beneş
13. Patrik Qroşovski
15. Vernon De Marko
21. Matuş Bero
24. Leo Sauer
25. Sebastyan Kosa
Baş məşqçi: Françesko Kaltsona
Qol: İ.Şrants, 7.
Vərəqələr: O.Manqalya, 30. İ.Şrants, 41. Y.Tilemans, 76. D.Lukebakio, 85 - sarı.
Hakimlər: HALİL UMUT MƏLƏR, Əmrə Əyisoy, Kərəm Ərsoy (hamısı Türkiyə).
VAR hakimləri: Bastian Dankert, Marko Frits (hər ikisi Almaniya), Alpər Ulusoy (Türkiyə).
17 iyun. Frankfurt. “Frankfurt Arena” stadionu. 45181 tamaşaçı (47000 yerlik).
Birinci hissəyə 2, ikinci hissəyə 8 dəqiqə əlavə olunub.
Oyunun ən yaxşısı: Stanislav Lobotka.
oyunun statistikası
15 (5) qapıya (“çərçivə”yə) zərbə 10 (4)
14 qayda pozuntusu 10
5 künc zərbəsi 7
2 ofsayd 1
3 (0) sarı (qırmızı) vərəqə 1 (0)
56 topa sahibolma (faizlə) 44
571 (489) ötürmə (dəqiq) 363 (288)
112,8 məsafə (km) 120

Qrupun bu oyununda da sensasiya qeydə alındı. 1/8 finala “kvartet”in lideri kimi yüksələcəyi gözlənilən Belçika millisi startdaca azarkeşlərini məyus etdi. Ancaq Ukrayna yığmasından fərqli olaraq, “qırmızı iblislər” rəqibin qapısı qarşısında xeyli təhlükəli vəziyyət yarada bildilər. Lukakunu isə matçın antiqəhrəmanı adlandırmaq olar. Millinin tarixində ən yaxşı bombardir oyunun əvvəllərində qol vurmaq üçün iki real şansı əldən verdi. Əvəzində Dokyunun komandasının cərimə meydançasında qeyri-dəqiq ötürməsindən sonra Slovakiya hesabı açdı. Lukaku fasilə ərəfəsində daha bir əla imkanı qaçırdı. İkinci hissədə müdafiəyə çəkilən slovakiyalıların işi daha çətin oldu. 56-cı dəqiqədə Lukaku hesabı bərabərləşdirsə də, qol ofsayd səbəbindən qeydə alınmadı. Bir qədər sonra Bakayokonun zərbəsinin ardından Hantsko topu qapı xəttindən çıxardı. Slovakiya yığması artıq bütövlüklə hesabı qorumaq haqda düşünürdü. Sona 4 dəqiqə qalmış Lukaku yenidən toru silkələdi. Amma bu dəfə VAR-a baxılandan sonra Opendanın əllə oyununa görə qol ləğv olundu. Nəticədə Slovakiya, bəlkə də Rumıniyadan daha böyük sürprizə imza atdı.

Belçika millisi Tedeskonun başçılığı altında 15-ci matçında ilk dəfə məğlub oldu. “Qırmızı iblislər” əvvəlki 14 görüşdə 10 qələbə qazanmış, 4 dəfə heç-heçə etmişdilər. Belçikalıların son iki böyük turnirdə qol imkanlarından yararlana bilməməsi diqqəti çəkir. Onlar son 47 zərbənin heç birini qola çevirməyiblər və 11 aşkar qol fürsətini əldən veriblər! Slovakiya yığması isə tarixində ilk dəfə FİFA reytinqinin ilk “3-lüy”ündə qərarlaşan rəqibə qalib gəldi. Françesko Kaltsonanın komandası oyun günü bu siyahıda 48-ci, belçikalılar isə 3-cü yerdə idi (yenilənmiş reyqində slovakiyalılar 45-ci yerdədi). Özü də qaliblərin start heyətində yaşı 35-dən yuxarı üç futbolçu yer aldı. Avropa çempionatlarının tarixində daha əvvəl yalnız Fransa millisi 2008-ci ildə Niderland və Rumıniya ilə matçlarda bunu etmişdi.