E qrupu
N 8. Rumıniya – Ukrayna 3:0 (1:0)
1. Florin Nitse
11. Nikuşor Banku
15. Andrey Burke
3. Radu Drequşin
2. Andrey Ratsiu
6. Marius Marin
21. Nikolae Stançu (k)
(24. Boqdan Rakovitsan, 87)
18. Rezvan Marin
(4. Adrian Rus, 75)
17. Florinel Koman
(13. Valentin Miheyle, 62)
20. Dennis Man
(10. Yanis Haci, 62)
19. Denis Drequş
(9. Corce Puşkaş, 75)
Ehtiyat oyunçular
12. Horatsiu Moldovan
16. Ştefan Tırnovanu
5. Yonuts Nedelçaru
7. Denis Alibek
8. Aleksandru Çikıldeu
14. Darius Olaru
22. Vasile Moqoş
23. Deyan Soresku
25. Corce Bırlica
26. Adrian Şut
Baş məşqçi: Edvard Yordenesku

23. Andrey Lunin
17. Aleksandr Zinçenko
22. Nikolay Matviyenko
13.  İlya Zabarnı
2. Yefim Konoplya
(24. Aleksandr Tımçik, 72)
19. Nikolay Şaparenko
(9. Roman Yaremçuk, 62)
6. Taras Stepanenko
(18. Vladimir Brajko, 62)
10. Mixail Mudrik 
14. Georgi Sudakov
(8. Ruslan Malinovski, 83)
15. Viktor Sıqankov
(7. Andrey Yarmolenko, 62)
11. Artyom Dovbik
Ehtiyat oyunçular
1. Georgi Buşan
12. Anatoli Trubin
3. Aleksandr Svatok
4. Maksim Taloverov
5. Sergey Sidorçuk
16. Vitali Mikolenko
20. Aleksandr Zubkov
21. Valeri Bondar
25. Vladislav Vanat
26. Boqdan Mixayliçenko
Baş məşqçi: Sergey Rebrov

Qollar: N.Stançu, 29 (1:0). R.Marin, 53 (2:0). D.Drequş, 57 (3:0).
Vərəqələr: Y.Konoplya, 67. R.Marin, 79 - sarı.
Hakimlər: QLENN NÜBERQ, Mahbod Beyqi, Andreas Söderqvist (hamısı İsveç).
VAR hakimləri: Rob Diperink, Pol van Bukel (hər ikisi Niderland), Jerom Brisar (Fransa).
17 iyun. Münhen. “Allyants Arena” stadionu. 61591 tamaşaçı (66000 yerlik).
Birinci hissəyə 2, ikinci hissəyə 4 dəqiqə əlavə olunub.
Oyunun ən yaxşısı: Nikolae Stançu.

oyunun statistikası
10 (5) qapıya (“çərçivə”yə) zərbə 14 (2)
9 qayda pozuntusu 8
4 künc zərbəsi 8
1 ofsayd 1
1 (0) sarı (qırmızı) vərəqə 1 (0)
34 topa sahibolma (faizlə) 66
240 (182) ötürmə (dəqiq) 603 (533)
112,8 məsafə (km) 109,1

Turnirin startından əvvəl E qrupunda iki komandanın pley-offa yüksəlmək şansları rəqibləri ilə müqayisədə xeyli yüksək dəyərləndirilirdi. Mütəxəssislər Ukrayna millisinin bu “kvartet”i Belçikadan sonra 2-ci yerdə bitirəcəyini proqnozlaşdırırdı. “Sarı-göylər”in ilk turda Rumıniya üzərində qələbə qazanacağına inananların sayı da çox idi. Əlbəttə, Rebrovun çalışdırdığı komandada qapıçıdan tutmuş hücumçuya qədər bütün xətlərdə “böyük beşlik” ölkələrində çıxış edən futbolçuların olması belə fikirləşməyə əsas verirdi.

Ukrayna yığması həqiqətən də ilk dəqiqələrdən topu özündə saxlayır və xoşbəxtliyi rəqib qapısı qarşısında axtarmağa çalışırdı. Amma nə La Liqada son mövsümün bombardiri Dovbik, nə onun “Jirona”dan olan həmkarı, ötən mövsümü yüksək səviyyədə keçirən Sıqankov, nə də “Çelsi”nin bonuslarla birgə 100 milyon avroya aldığı Mudrik ciddi təhlükə yarada bilirdi. Əvəzində son mövsüm “Real”ın az qala bütün ən vacib matçlarında güvəndiyi Luninin ciddi səhvləri “sarı-göylər”ə baha başa gəldi. Rumıniyanın ilk iki qolunda “pay”ı olan qolkiper daha bir inanılmaz səhv etsə də, Stançunun künc zərbəsindən sonra qapı tiri ukraynalının dadına çatdı. 57-ci dəqiqədə isə Drequş yekun nəticəni müəyyənləşdirdi. Matçın sonuna xeyli vaxt qalsa da, Rebrovun komandası özünə gələ bilmədi.

Rumıniya yığması nəhəng turnirlərdə tarixinin ən böyükhesablı qələbəsini qazandı. Ukrayna isə Avropa çempionatında keçirdiyi 12-ci oyunda da qapısını toxunulmaz saxlamağı bacarmadı. “Sarı-göylər” bu görüşlərdə 22 top buraxıblar. Maraqlıdı ki, Rumıniya millisi “transfermarkt” portalına əsasən, AÇ-2024-ün iştirakçıları arasında dəyəri ən az olan komandadı – 92,13 milyon avro. Rəqibinə müqavimət göstərə bilməyən Ukrayna yığması isə bu göstəricidə 10-cu yerdədi – 379 milyon. Ancaq Dovbikin də oyundan sonra dediyi kimi, futbolu pul oynamır.