Menecer Kadiylə bağlı söz-söhbətə son qoydu - "Qarabağ" futbolçuyla anlaşıb?
Rusiyanın məşhur “Sport-Ekspress” nəşrinin Kadi Borgesi “Krasnodar”dan gedənlər siyahısında göstərdiyini, yeni komandasının “Qarabağ” olduğunu qeyd etdiyini yazmışdıq.
İddiaların doğru olub-olmadığını öyrənmək üçün menecer Tural Əsgərovla əlaqə saxladıq. Onun "Football-plus.az"a söylədikləri:
"Düzdü, hazırda media müntəzəm bu yöndə xəbərlər tirajlayır. Lakin iddialar həqiqəti əks etdirmir. Bu mövzuyla bağlı hansısa dəyişiklik yoxdu. "Qarabağ"la Kadi Borges arasında anlaşma səviyyəsində danışıq olmayıb".
Qeyd edək ki, Borgesin "Krassnodar"la müqaviləsinin müddəti 2026-ci ilin yayında bitəcək. O, ötən ilin yanvarında "Qarabağ"dan ayrılıb.
KƏNAN BAHADIR
