“Anlaşma zəif oldu” - Millimizin məğlubiyyətinin səbəbi
Srağagün Albaniya yığmasıyla qarşılaşan milli komandamız bu yoldaşlıq matçından məğlub ayrıldı.
Görəsən, bu dəfə daha yaxşı nəticəyə nail olmaq üçün nə çatmadı? Qarşılıqlı anlaşma aşağı səviyyədədi, futbolçular formada deyil, yoxsa başqa səbəb var? Bu suallara cavab tapmaq üçün təcrübəli mütəxəssis Əfqan Talıbova müraciət etdik. Eyni zamanda ondan yığmamızın çıxışından nə dərəcədə razı qaldığını soruşduq:
“O qədər də zəif təsir bağışlamadılar. Rəqib bizlə oyunda əks-hücum taktikası seçmişdi. Müdafiədə boşluqlarımız yarandı. Onlar da səhvlərdən maksimum dərəcədə istifadə etdilər. Biz isə onların müdafiəsini yara bilmədik. Anlaşma zəif oldu. İkinci yoldaşlıq oyununda daha yaxşı olar”.
KAMAL SƏFƏR
