“Belə yoldaşlıq oyunları sentyabrda olacaq əsas görüşlər üçün hazırlıqdı. Heyətdə yeni futbolçular da var. Yəni bizim üçün təcrübə xarakterlidi. Məsləhət görərdim ki, milliyə gələcək yeni baş məşqçi oyunlara baxsın. Sentyabrda Arif müəllim olacaqsa, daha yaxşı. Çünki illərdi işləyir, komanda üzvlərini yaxşı tanıyır. Amma yeni çalışdırıcı gələrsə, bizim çempionatla da maraqlanmalıdı. Avqustun 2-də yeni mövsüm başlayacaq. Sentyabra qədər 4 və ya 5 tur olacaq ki, bu da baş məşqçiyə yaxşı fürsətdi. Arif Əsədov qalacaqsa, işini də bilir, oyunçular onu tanıyır, ona inanırlar. Albaniya Avropa çempionatına hazırlaşır, gücü bəllidi. Qazaxıstan da elə-belə yığma deyil, xaricdə oynayan yaxşı futbolçuları var. Amma ən azı bizləri maraqlı oyun gözləyir. Bizim də millimiz zəif deyil. Yığmaya dəvət alan futbolçular hər biri bəlli bir potensialina görə ordadı. Yoldaşlıq görüşü olsa da, fərq etməməlidi, oyunçu oz oyununu göstərməlidi. Çünki Azərbaycan milli komandasındadı”.