“Kuçun Azərbaycana gəlməsi ehtimalı üzərində qışda çalışırdıq” - Emil Şükürov transfer xəbərinə aydınlıq gətirdi
Son günlər yayılan xəbərlərə görə, “Neftçi” Monteneqro yığmasının və Kosovonun “Balkani” komandasının yarımmüdafiəçisi Edvin Kuçla razılığa gəlib.
31 yaşlı futbolçu bu barədə özü açıqlama verərək, karyerasını bundan sonra “Neftçi”də davam etdirəcəyini bildirib. “Ağ-qaralar”ın isə transferlə bağlı hansısa rəsmi açıqlaması yoxdu. Buna baxmayaraq, məşhur statistika portalı olan “transfermarkt” Edvini rəsmi şəkildə “Neftçi”nin üzvü kimi təqdim edir. Həm bu transferin nə dərəcədə real, həm də oyunçunun “Neftçi”yə nə dərəcədə uyğun olmasıyla bağlı ətraflı məlumat almaq üçün skaut Emil Şükürovla danışdıq:
“Edvin Kuçun Azərbaycana gəlməsi ehtimalı üzərində qışda çalışırdıq. Həmin ərəfədə ölkəmizdən təklif almadığını bildirmişdi.
“Neftçi”yə keçidinin sürpriz olduğunu deyərdim. Cari mövsümü yüksək səviyyədə keçirib. Kosovo və Azərbaycan çempionatlarının müqayisə etmək çətindi. Ən yaxşı halda bizim orta büdcəli klublarımız onların çempionluğa oynayaq komandaları ilə müqayisə edilə bilər. Doğrusu, transfer xəbərini birinci klubların yox, oyunçunun paylaşmasını düzgün saymıram, bunu kommunikasiya çatışmazlığı kimi qəbul edirəm. “Transfermarkt” saytı isə etibarlı mənbə olmadan keçidləri paylaşmır.
Kuçun ən güclü tərəfi meydançanı görmək bacarığı və ötürmələridi. Meydanda komandanın “beyni” rolunu oynayır. Qeyd edim ki, hazırkı göstəricilərini müqayisə etsək, Kuçun çempionatımızda ən yaxşı 10 oyunçu siyahısına girə biləcək potensialda olduğuna inanıram. “Neftçi”nin heyətində bunu edə biləcək ya yox - bunu artıq zaman göstərəcək. Oyunçunun bizim liqaya uyğunluq göstəriciləri “Qolat” İdman Agentliyinin istifadə etdiyi süni zəka platforması vasitəsi ilə müəyyənləşdirilib”.
“Neftçi”yə keçidinin sürpriz olduğunu deyərdim. Cari mövsümü yüksək səviyyədə keçirib. Kosovo və Azərbaycan çempionatlarının müqayisə etmək çətindi. Ən yaxşı halda bizim orta büdcəli klublarımız onların çempionluğa oynayaq komandaları ilə müqayisə edilə bilər. Doğrusu, transfer xəbərini birinci klubların yox, oyunçunun paylaşmasını düzgün saymıram, bunu kommunikasiya çatışmazlığı kimi qəbul edirəm. “Transfermarkt” saytı isə etibarlı mənbə olmadan keçidləri paylaşmır.
Kuçun ən güclü tərəfi meydançanı görmək bacarığı və ötürmələridi. Meydanda komandanın “beyni” rolunu oynayır. Qeyd edim ki, hazırkı göstəricilərini müqayisə etsək, Kuçun çempionatımızda ən yaxşı 10 oyunçu siyahısına girə biləcək potensialda olduğuna inanıram. “Neftçi”nin heyətində bunu edə biləcək ya yox - bunu artıq zaman göstərəcək. Oyunçunun bizim liqaya uyğunluq göstəriciləri “Qolat” İdman Agentliyinin istifadə etdiyi süni zəka platforması vasitəsi ilə müəyyənləşdirilib”.
KAMAL SƏFƏR
Digər xəbərlər
