"Turnir cədvəlindəki yerimiz bizi narahat etmir" - Yaşar Seyidov arxayın və iddialı danışdı
Xatırlayırsızsa, 2-ci liqa iştirakçısı "Dinamo" 10-cu turda “Şahdağ Qusar"a acınacaqlı şəkildə məğlub olandan (0:9) sonra baş məşqçi Novruz Əzimov istefa vermişdi.
Hazırda komanda meydana İsmayıl Vəkiliqazicahanın rəhbərliyi altında çıxır. Yəni 5 aydı boş qalan baş məşqçi postuna hələ heç kim gətirilməyib.
Görəsən, rəhbərliyin bu yöndə planı necədi?
Klubun İdarə Heyətinin rəhbəri Yaşar Seyidov "Football-plus.az"ın suallarını belə cavabladı:
“Bu barədə gözləmədəyik. Mövsümün sonuna qədər yola İsmayıl bəylə davam edəcəyik".
Funksioner 20 oyunda 24 xal toplayaraq 9-cu pillədə qərarlaşan komandanın durumunu dəyərləndirdi, hədəflərdən söz açdı:
“Məlumdu ki, heyətimiz keçmiş "Bakı"nın bir neçə yetirməsi daxil olmaqla, gənclərdən qurulub. Fərid Eyvazov və Əli Məmmədli isə öz akademiyamızın yetirməsidi. Ümumiyyətlə, strategiya odu ki, gənclərə üstünlük verməklə onları daha üst səviyyəyə çatdıraq. Hər birini Azərbaycan futboluna qazandırmaq istəyirik. Karyerasını bitirmiş, vaxtilə sözünü demiş futbolçuları heyətə cəlb etməklə inkişaf mümkün deyil. Fəlsəfəmiz futbolun gələcəyi naminə qurulur. Turnir cədvəlindəki yerimiz bizi narahat etmir. Növbəti mövsüm daha inamlı və iddialı "Dinamo" görəcəksiz".
RÖYANƏ OĞUZ
Digər xəbərlər
