“Qara Qarayevin təhqir olunması düzgün deyil. Çünki illərlə “Qarabağ”a canını verib, orda sevərək futbol oynayıb. Həmişə yaxşı münasibətlərimiz olub. Köhnə üzvlərdən biri kimi ona hörmətsizliyə qarşıyam. Qara bu təhqirlərə layiq deyil. Ola bilər ki, anlaşılmazlıq olub. Gördüyüm qədəri ilə futbolçu isinmə hərəkətləti edərkən tribunadan azarkeş ona iradını bildirdi. Qara da həmin adamın sakit olmasını tələb etdi. Fanklub da bunu öz üzərinə götürdü. Bilirəm ki, Qara heç vaxt “İmarət”ə qarşı elə hərəkət etməz. Yanlış anladılar və ona görə bu hadisə baş verdi. “İmarət”in “vatsap” qrupları var. Orda söhbət gedərkən düzgün olmadığı deyildi. Biz özümüz də böyüklər olaraq, Qara ilə görüşəcəyik”.