Martın 22-də “Crocus City Hall” konsert salonunda törədilən terror aktı nəticəsində 133 nəfər ölüb, 154 yaralı var.

Dünən “Neftçi” ilə “Spartak” arasında Bakıda keçirilməsi planlaşdırılan yoldaşlıq oyununun təxirə salındığını da bilirsiz. “Qarabağ”ın rusiyalı qapçısı Andrey Lunyov bu arada yığmasının düşərgəsində olub. Valeri Karpin Serbiya ilə oyunda ona şans verməyib, sabaha planlaşdırılan Paraqvayla oyun isə təxirə salınıb.

Beləliklə, Lunyovun uzun fasilədən sonra milli forma geymək arzusu çin olmayıb. Amma qapıçının sosial şəbəkədəki paylaşımından bəlli olur ki, yaralılara yardım üçün qan verib.

ƏSƏD SEYİDOV