“O vəzifəyə namizəd olmaq istəyən şəxs çoxdu. Amma ən sadiq insanlar kimlərdisə də, risk etmirlər. Çünki həmin vəzifəyə hər adam gedə bilməz. Məsuliyyətli bir işdi. Hər kim gəlsə, uğurlar arzulayıram. Kim gəlir-gəlsin, amma futbol adamı olsun. Yoxsa İcraiyyə Komitəsində oturub, yalandan vaxt keçirənlərdən olmasın. Onlar ancaq Prezidentin gəlişini gözləyirlər ki, şəxsi xahişlərini etsinlər. Belə insanlar olacaqsa, heç olmasa, daha yaxşıdı. Çünki futbol elə idman növüdü ki, ölkədən kənarda həm də siyasi məsələdi. Artıq uduzmağa öyrəşməmişik. Allah bu əziz gündə Prezidentimizə cansağlığı versin. Uduzmaq bizə yaraşmır. Çalışmalıyıq ki, futbolda da qalib gələk. “Qarabağ” Avropada uğur qazanaraq bizləri sevindirir. Amma təkcə “Qarabağ” yox, yığmamız da futbolsevərləri sevindirməlidi. Bu gün əvvəlki 4-5 ilə baxanda, doğrudan da, görürük ki, kifayət qədər yerli oyunçularımız var. Bəzi mövqelərdə çatışmazlıqlar var, lakin həmin mövqeləri də doldurmaq olar. Əsas odu ki, işə diqqətlə yanaşan şəxs olsun. Kim gələcəksə, mən burdan ona səslənirəm ki, dosta, qohuma yox, işi bilən adama iş verməlidi. Necə ki indi bəzi klublar futbol adamlarını kənara qoyub, ancaq öz dostlarını müəyyən vəzifələrdə otuzdurub. Belə olmaz. İşdə ancaq işi fikirləşmək lazımdı. Pul qazanmaq istəyirsənsə, get biznes qur. Amma belə bir quruma maddiyyat kimi baxmaq düzgün deyil. Hər kim gəlsə, uğurlar arzulayıram. Həmin posta namizədimi desəm, bir qədər yersiz olar. Çünki bizim deməyimizlə deyil. Namizədimi desəm belə, həmin şəxsi ora qoymayacaqlar. Artıq hardasa da bəllidi ki, kimləri ora seçmək istəyirlər. Ən çox da bir nəfərin adı hallanır. Heyf! O adam gələrsə, futbolumuz, ümumiyyətlə, batdı. Çünki həmin adamın futbola ayırmağa vaxtı yoxdu. O işlərini yenə də öz ətrafına həvalə edəcək. Eynilə indiki klubunda olduğu kimi, milli komandanı da futbolu da eyni günə qoyacaq. Yenə də uğurlar arzulayıram. Amma çox çətin...”