Fevralın 13-14-də futbol üzrə ölkə çempionatının əvəzedicilər liqasında 22-ci turun daha üç oyunu keçirilib.

Srağagün “Kəpəz” “doğma divarlar” arasında “Səbail”dən üstün oldu. Bununla da Gəncə təmsilçisi qələbə seriyasını üçə çatdırdı. Dünən isə növbəti iki oyun keçirildi. Liderlər bu dəfə də rəqiblərinə acımadı. Hər ikisi səfər görüşündə rəqib qapısına 4 dəfə yol tapa bilib. Lakin lider “Neftçi” ikinci pillədəki ən yaxın izləyicisi “Qəbələ”dən fərqli həm də qapısını toxunulmaz saxladı. Mövsümün bombardirlərindən Ağadadaş Salyanski isə poker edərək, tura damğa vurdu.

Qeyd edək ki, tura bu gün keçirilən “Zirə” – “Sumqayıt” qarşılaşmasıyla yekun vuruldu. Turun ilk oyunu isə fevralın 12-də keçirilib: Qarabağ-2 – Sabah-2 0:4.

13 fevral
Kəpəz-2 – Səbail-2 1:0
Cavad Kərimov, 41.

14 fevral
Turan Tovuz-2 – Qəbələ-2 2:4
Sadiq Şəfiyev, 16; 90+1-p. – Sənan Ağalarov, 24. Dinamin Bağırov, 50-öz qapısına. Okan Təhməzli, 62. Bilal İsmayılov, 67-p.

Araz-Naxçıvan-2 – Neftçi-2 0:4
Ağadadaş Salyanski, 35; 70; 75; 81.

15 fevral
Zirə-2 – Sumqayıt-2 0:0
Binə, qəsəbə stadionu. Saat 14.00.

Xal durumu: Neftçi-2 – 55, Qəbələ-2 – 51, Sabah-2 – 46, Qarabağ-2 –33, Zirə-2 – 30, Sumqayıt-2 – 26, Kəpəz-2 – 24, Səbail-2 – 21, Araz-Naxçıvan-2 – 19, Turan Tovuz-2 – 13.
Bombardirlər: Ağadadaş Salyanski (Neftçi-2) – 21, Sənan Ağalarov (Qəbələ-2) – 18.