"Musayev gedəndə müxtəlif fikirlər səsləndi. Ən populyarı da o oldu ki, klub prezidenti Maqsud Adıgözəlova görə baş məşqçi klubdan ayrılıb. Məsələ burasındadı ki, klub prezidenti Musayevin gedişində həlledici şəxs deyil. Klub idarəçiliyində yekun qərarı verən şəxs İTV-nın rəhbəri Balaş Qasımovdu. Bunu müəyyən qrup şəxslər bilir. Ancaq o, Musayevin qalmasını istəyirdi. Çünki rusiyalı yetərincə təcrübəli mütəxəssisdi. Onun yaxşı çalışdırıcı olduğu da ötən mövsüm hamıya bəlli oldu. Balaş Qasımovun Antalyaya gəlişi Musayevin klubda qalacağı demək idi. Çünki Qasımov ora adicə yoldaşlıq oyununa görə getməmişdi. Musayevin gedişi “Sabah”a heç nə vermədi. Klubda baş məşqi funksiyasını yenə də İqor Ponomayrov icra edəcək. Artıq o, 3-cü dəfə bu işi görəcək. İlk ikisində uğurlu olub, əminəm ki, üçüncüdə də uğurlu olacaq. Sadəcə, “Sabah” rəhbərliyi indi papağını qabağına qoyub düşünməlidi ki, nəyə görə uğursuzları işdən çıxara bilmirlər, uğurlular isə özləri getmək istəyir? O fikirlə də qətiyyən razı deyiləm ki, klub prezidenti Musayevi işdən çıxardı. Maqsud Adıgözəlov onu işdən çıxarmayıb və dəqiq bilirəm ki, Musayevin komandada qalması üçün çox təkid edib. Sadəcə, Murad Musayev çox yaxşı başa düşdü ki, komandanın 80 faizi meydana çıxıb 1:7 uduzmaq istəyirsə, deməli, burda kənar şəxs baş məşqçidi…”