Kanadalı hücumçu Sem Raynhart rusiyalı Pavel Burenin “Florida”nın heyətində müntəzəm çempionatda qol seriyası ilə bağlı rekordunu qırıb. Raynhart srağagün keçirilən “Florida” – “Detroyt” oyununda hesabı açmaqla ardıcıl 8-ci oyunda fərqlənib.

“Football-plus.az” xəbər verir ki, Bure isə 2000/01 mövsümündə ardıcıl 7 oyunda rəqib qapısına yol tapmışdı. Raynhartın cari mövsümdə keçirdiyi 44 oyunda 56 (33+23) xal topladığını da xatırladaq.
Zədə üzündən “Vaşinqton”un son üç oyununu buraxan Aleksandr Oveçkin buz üzərinə döndü və komandasının “Sent-Luis” üzərindəki qələbəsinə məhsuldar ötürmə ilə töhfə verdi. MHL karyerasında 683-cü belə ötürməni verən rusiyalı ulduz “Reyncers”in sabiq müdafiəçisi Bred Parka çatmaqla bu göstəricidə 65-ci yerə yüksəldi. Onun cari mövsümdə keçirdiyi 40 oyunda 8 qol və 20 məhsuldar ötürmə ilə yadda qaldığını da xatırladaq.

18 yanvar
Nyu-Cersi – Monreal 2:3 (0:1, 0:1, 2:1)
Florida – Detroyt 2:3 ОТ (0:0, 2:1, 0:1, 0:1)
19 yanvar
Baffalo – Çikaqo 3:0 (0:0, 1:0, 2:0)
Boston – Kolorado 5:2 (3:1, 0:1, 2:0)
Vaşinqton – Sent-Luis 5:2 (1:1, 2:0, 2:1)
Ottava – Monreal 6:2 (2:1, 2:0, 2:1)
Tampa-Bey – Minnesota 7:3 (1:1, 3:2, 3:0)
Filadelfiya – Dallas 5:1 (1:0, 1:1, 3:0)
Kalqari – Toronto 3:4 (2:1, 1:3, 0:0)
Edmonton – Sietl 4:2 (0:2, 3:0, 1:0)
Los-Anceles – Neşvill 1:2 (0:0, 1:2, 0:0)
Vankuver – Arizona 2:1 (1:1, 1:0, 0:0)
Veqas – Reyncers 5:1 (2:0, 2:0, 1:1)