Rusiyanın 2022-ci ilin fevralında başlatdığı işğalçı müharibə üzündən Ukrayna futbolu bir qədər gözdən düşüb.

"Football-plus.az" xəbər verir ki, bildiyiniz kimi, bu ölkənin çempionatı düz-əməlli keçirilmir, oyunlar bəzən həyəcan siqnalı ilə dayandırılır, komandalar ev oyunlarını təmsil etdiyi şəhərdə keçirə bilmir, avrokubok iştirakçıları rəqiblərini Polşada qəbul etməli olur, legionerlər baş götürüb qaçır. Bir sözlə, məlum səbəbdən bu ölkənin futbolunda əməlli-başlı xaos hökm sürür. Amma bu arada məşhur “Transfermarkt” portalı Ukrayna liqasında çıxış edən futbolçuların qiymətini araşdırıb. Liqanın 16 komandasının şərəfini qoruyanlar arasında ən baha futbolçuları siz də tanıyın.

Obolon: 400 min avro (Vladislav Priymak, Taras Moroz)
Bu futbolçuların yaşının ən yaxşı vaxtıdı. Həmyaşıdlar (27) dayaq yarımmüdafiəçisidi. Priymakın daha şöhrətli vaxtları da olub. Məsələn, 2019-da “Lvov”da çıxış edəndə dəyəri yarım milyon idi. Moroz bununla öyünə bilməz. Əvvəllər oynadığı Ternopol “Niva”sında qiyməti bundan da aşağı idi.
Veres – 400 min (Valeri Kuçerov, Vasili Kurko, Stanislav Şaray)
Bu “üçlük”də olanlardan heç biri hücum xəttinin təmsilçisi deyill. Aydın məsələdi ki, hücum xəttinin oyunçuları daha baha olur. Bunlardan uzaqbaşı mərkəz yarımmüdafiəçisi Şarayı fərqləndirmək olar. Kuçerov yaxınlara qədər 500 min avroya idi, ancaq son aylarda bir qədər ucuzlaşıb.
Minay – 500 min (Vadim Vitençuk, Yeqor Tverdoxleb)
Birinci 26 yaşlı dayaq yarımmüdafiəçisidi, ikincisi 23 yaşlı hücumameyilli yarımmüdafiəçi. Və daha bir maraqlı məqam: yayda ikisi də yüz min avro baha idi, ancaq həmin vaxtdan bəri qiymətləri düşüb. Əslində “Minay”ın arzuolunmaz nəticələri fonunda başqa cür də ola bilməzdi. Komanda cəmi 6 xal toplamaqla turnir cədvəlinin sonuncu pilləsində qərarlaşıb.
LNZ – 500 min (Nazari Muravski)
23 yaşlı mərkəz müdafiəçisi “Şaxtyor”un akademiyasının yetirməsidi, Maiupol və Lvovda da oynamağa imkan tapıb, LNZ-in heyətinə ötən mövsümün ortalarında qoşulub və bu komanda ilə premyer-liqaya yüksəlib. Burda daim oynayır, oyunun əvvəlindən sonuna qədər. Yarım il ərzində qiyməti 150 min avro artıb.
Çernomorets – 700 min (İlya Putrya, Maksim Braqaru, Vladimir Salyuk)
Putrya 25 yaşlı gənc kapitandı, Braqaru ilə Salyukun 21 yaşı var, hər ikisi artıq “Dinamo”nun diqqətini cəlb edib. Bunlardan da heç biri forvard deyil. Ən hücumameyilli oyunçu Braqarudu (sağ cinah vingeri). Üçü üçün də 700 min qiymətin zirvəsidi.
Aleksandriya – 700 min (Vladislav Kalitvintsev)
Bu oyunçunu hər birimiz gözəl tanıyırıq, artıq 30 yaşı var, vaxtilə perspektivi çox yüksək qiymətləndirilirdi. Alınmadı. “Aleksandriya” onun karyerasındakı 7-ci komandadı, indiyə qədər ən yüksək qiyməti 1 milyon avro olub. Həmin həddə ilk dəfə 2014-cü ildə “Dinamo”da çıxış edərkən çatıb, sonuncu dəfə isə bir il əvvəl elə “Aleksandriya”da.
Metallist-1925 – 500 min (Artyom Qabelok, Nikita Bezuqlı)
Xarkovluların heyətindəki ən baha oyunçular yetərincə təcrübəli, 28 yaşı olan Artyomla Nikitadı. Mərkəz yarımmüdafiəçisi Qabelok həm də komandanın kapitanıdı, Bezuqlı isə mərkəz müdafiəçisidi. Onları yaxınlaşdıran daha bir məqam var – hər biri “Şaxtyor”un yetirməsidi. Hər biri aylardı 500 min avro səviyyəsində dayanıb, qiymətlərinin qalxması və ya enməsi üçün əsas yoxdu.
Kolos – 600 min (Nikita Burda, Valeri Luçkeviç, Valeri Bondarenko, Aleksandr Demçenko, Kirill Fesyun)
Kovalyovka komandasının heyətində son qiyməti 600 min avro olan beş futbolçu var. Bəlkə də güləcəksiz, amma onlardan heç biri hücum xəttinə aid deyil, Fesun, ümumiyyətlə, qapıçıdı. Ukrayna premyer-liqasının ən baha oyunçularının siyahısında mərkəz müdafiəçilərinin və dayaq yarımmüdafiəçilərinin sayı adamı diksindirir.
Vorskla – 1,2 milyon (Viktor Korniyenko)
Axır ki milyonluq oyunçulara gəlib çatdıq. “Vorskla” heyətdə belə oyunçu saxlamağı özünə rəva bilir. Ancaq necə rəva bilir? Bu, “Şaxtyor” azarkeşlərinin daha yaxşı tanıdığı, gələn ilin yayına qədər icarəyə götürülən sol cinah müdafiəçisi Viktor Korniyenkodu. Ən yaxşı vaxtlarında onun qiməti 3 milyona yüksəlib. İndi isə dəfələrlə ucuzdu.
Polesye – 1,2 milyon (Beni Makuana)
İndiki premyer-liqa ilə bağlı nadir hadisə - bir klubun ən baha futbolçusu legionerdi. Söhbət konqolu sol cinah müdafiəçisi Beni Makuanadan gedir. Yəqin ki, çempionatın ən texnikalı və sürətli oyunçusudu, onu hətta Kilian Mbappe ilə müqayisə edənlər də var. Maraqlıdı ki, Makuana əvvəlki klubu “Monpelye”də bundan iki dəfə ucuz idi.
Krivbass – 900 min (Maksim Zaderaka, Oleq Kojuşko)
Çempionatın liderinin heyətindəki ən baha futbolçular forvardlardı – 29 yaşlı Zaderaka və 26 yaşlı Kojuşko. Onlar mövsümün bombardirləri siyahısında da ilk iki pillədə qərarlaşıb. Həm Maksim, həm də Oleq məhz mövsümün ilk yarısındakı yüksək məhsuldarlıq sayəsində qiymətini artırıb (Zaderaka 400 mindən, Kojuşko 500 mindən indiki səviyyəyə qalxıb).
Rux – 1,2 milyon (İlya Kvasnitsa)
“Rux”un sağ cinah vingeri çempionatın ilk yarısının əsas kəşfi oldu. By məqam dərhal onun qiymətinə təsir etdi. Məsələn, 2022-nin dekabrında qiyməti cəmi 75 min avro idi, 2023-ün oyununda 125 min, sentyabrında 400 min avroya qalxdı. Qiymət artımındakı dinamika kosmik sürətlə dəyişir, Avropa klublarından hansısa Kvasnitsanı götürsə (bununla bağlı söhbətlər gedir) artıq mütləq davam edəcək.
Zarya – 1,8 milyon (Arseni Bataqov)
Mərkəz müdafiəçisi artıq aylardı bu mövqedə ölkənin ən perspektivli futbolçusu sayılır, müntəzəm gənclərdən ibarət yığmada oynayır. Ancaq pul baxımından inkişafı bir qədər ləngiyir: qiyməti yayda 2 milyon avroydusa, indi bir qədər ucuzlaşıb (əlbəttə, bu da “Zarya”nın ümumi enişi ilə bağlıdı).
Dnepr-1 – 5 milyon (Aleksandr Pixalenok)
“Transfermarkt”a inansaq, heyətinə görə çox ciddi komandadı. Birdən-birə 6 oyunçunun qiyməti milyondan yuxarıdı. Pixalenok qalan komanda yoldaşlarını xeyli qabaqlayır, Ukrayna premyer-liqasında çıxış edən ən baha futbolçuların ilk “10-luğ”una daxildi. 5 milyon avro qiymətini yaydan bəri qoruyur.
Dinamo – 7 milyon (Georgi Buşan)
29 yaşlı Buşan indi heç də karyerasının ən yaxşı dönəmini yaşamır. Birvaxtlar indikindən daha baha (ötən ilin sonunda 10 milyon) idi. Zədə və məcburi bekarçılıq həm onun qiymətini aşağı saldı, həm də arxa plana atdı. Ancaq premyer-liqada çıxış edən qapıçılar arasında hamıdan bahadı. Elə “Dinamo”da da Buşandan baha futbolçu yoxdu.
Şaxtyor – 20 milyon (Nikolay Matviyenko)
Premyer-liqanın ən baha üç futbolçusu məhz “Şaxtyor”un heyətindədi: Nikolay Matviyenko – 20 milyon, Georgi Sudakov – 18 milyon, Artyom Bondarenko – 9 milyon avrı. Matviyenko yaydan bəri bu statusutu qoruyur. Sudakov isə sabit şəkildə bahalaşır (məsələn, yayda 15 milyon avro idi). Belə davam edərsə, günlərin birində mütləq komanda yoldaşını zirvədən salacaq.