"Hansısa kluba birbaşa dəstək ola bilmərik"
"Problemlərdən çox danışmaq olar. Nazirlik hansısa kluba birbaşa dəstək ola bilməz".
"Football-plus.az" xəbər verir ki, bunu gənclər və idman naziri Fərid Qayıbov Azərbaycan Voleybol Federasiyasının 2023-cü ildəki fəaliyyətinə həsr olunmuş mətbuat konfransında "Xarı Bülbül" komandasının üzləşdiyi maliyyə problemi barədə danışarkən deyib.
O, məsələnin aydın olduğunu bildirib:
"Biz klublara sponsorların gəlməsi barədə düşünməliyik. Nazirlik bununla bağlı müəyyən işlər görür. Amma gələnlərin də marağı olmalıdı. Hər iş büdcədən asılıdır. Gəlirlərimlə xərclərim fərqlidisə, borclar yaranacaq. Özəl klubdu. Elə bir zamana çataq ki, klublara şərait yaradaq, inkişaf etsinlər. Hazırda vəziyyət istədiyimiz kimi deyil. Reallıqlar var. Azərbaycanda klubların sayının artması üçün çalışmalıyıq".
Digər xəbərlər
