“Əliyar hələ oyuna çıxmamış onunla söhbət etdim, xeyir-duaı verdim. Əliyarın Avropa səviyyəsində böyük təcrübəsi var. Çünki 10 ildən artıqdı oyunlar idarə edir. Bu qarşılaşmanı da o və köməkçiləri yüksək səviyyədə idarə etdi. Bəlkə də çoxları düşünür ki, bu oyun heç nə vermədi. Çünki “Siti” onsuz da qalibdi və s. Amma bir məsələ var ki, Qvardiola meydana gənc futbolçuları buraxmışdı. Cavan futbolçular da həmişə özünü sübut etməyə çalışırlar. Buna görə də belə oyunları idarə etmək çətindi. Təcrübəli futbolçuların oynadığı görüşlər rahat olur. Amma burda elə deyildi. Sürətli, dinamik və mübarizəli oyun gedirdi. Buna baxmayaraq, Əliyar işinin öhdəsindən yüksək səviyyədə gəldi. Oyundan sonra da onu təbrik etdim. Müstəqillik dövründə hakimlik adına çox böyük uğurdu. İndiyə qədər heç bir hakimimiz belə səviyyəli oyun idarə etməyib. Gələnilki Avropa çempionatının oyunlarını idarə etmək Əliyarın özündən asılıdı. Elə bundan əvvəl Finlandiya – İrlandiya görüşünü layiqincə idarə etdiyinə görə bu matça təyinat aldı. Təyinat aldığı hər oyunu düzgün idarə etsə, UEFA-nın ona inamı artacaq və Avropa çempionatının oyunlarını idarə edəcək hakimlərin siyahısına salına bilər. Fəxr edirəm ki, Əliyar mənim tələbəm olub. Belə yüksək səviyyəli oyunlar idarə etdiyinə görə çox sevinirəm. Uğurlarının davamı gəlsin”.