Yunanıstanda azarkeş qadağası
Yunanıstan hökuməti ölkədə futbol matçları zamanı iğtişaşlara qarşı adekvat addım atıb. Növbəti iki ay ərzində azarkeşlərin stadionlara girişinə qadağa qoyulub.
"Football-plus.az" xəbər verir ki, bu barədə hökumətinin rəsmi nümayəndəsi Pavlos Marinakis məlumat verib.
O, qərarın fan-qrupların zorakılığını dayandırmaq və ya minimuma endirmək üçün tədbir olaraq qəbul edildiyini bildirib:
“Yunanıstan çempionatının bütün oyunları yaxın iki ay ərzində, yəni fevralın 12-dək bağlı qapılar arxasında keçiriləcək. Bu tədbir, həmçinin birinci peşəkar kateqoriyanın müvafiq komandalarının daxil olduğu Superliqa 2-nin B komandalarının ev oyunlarına da şamil ediləcək. 2024-cü il fevralın 12-dək futbol matçlarının təhlükəsiz keçirilməsi ilə bağlı hüquqi şərtlərə tam əməl edilmədikdə, onun tətbiqinin müddətinin uzadılması məsələsinə baxılması məqsədilə yuxarıda göstərilən qərarın icrasının nəticələrinə qiymət veriləcək. Məqsəd matç iştirakçılarının həyatı və fiziki toxunulmazlığı üçün risklərdən qaçmaq, həmçinin ictimai asayişi və təhlükəsizliyi mümkün qədər qorumaqdı”.
Qeyd edək ki, Yunanıstanda tətbiq edilən bu qadağaya əsasən stadionda azarkeşsiz keçiriləcək ilk matç “Olimpiakos”un Avropa Liqasında Serbiyanın TSÇ komandası ilə ev oyunu olacaq.
Digər xəbərlər
