Artyom Milevski haqda sevindirici xəbər yayılıb. Kiyev “Dinamo”sunun və Ukrayna millisinin sabiq hücumçusu komadan ayılıb.

“Football-plus.az” xəbər verir ki, Milevski spirtli içki problemi səbəbindən xəstəxanaya yerləşdirilmişdi. Artıq klinikanı tərk edən Artyom səhhətində yaranmış problemdən sonra ilk fotosunu da paylaşıb. Fotoda futbolçunun dostu ilə Kiyev operasını ziyarət etdiyi görünür. Xatırladaq ki, Milevski sentyabrın sonunda xəstəxanalıq olmuşdu. Daha sonra onun koma vəziyyətinə düşdüyü məlum olmuşdu. Bundan əvvəl Milevskinin Kiyevdəki klinikalardan birində alkoqolizmdən hərtərəfli reabilitasiya keçdiyi, həmçinin 20 kq arıqladığı bildirilmişdi.

Karyerasını 2021-ci ilin sentyabrında başa vuran Milevski Belarusun Brest “Dinamo”su, Xorvatiyanın “Hayduk”, Rusiyanın “Tosno”, Rumıniyanın “Konkordiya”, Ukraynanın “Minaj”, Macarıstanın “Kişvarda”, Türkiyənin “Qaziantepspor” klublarında çıxış edib. Onun Ukrayna yığmasında 50 oyun keçirdiyini və 8 qol vurduğunu da xatırladaq.