DÇ-2026-nın seçmə mərhələsinin Braziliya - Argentina oyunundan (0:1) əvvəl “Marakana” stadionunda baş verən hadisələr ev sahiblərinə baha başa gələ bilər.

"Football-plus.az" xəbər verir ki, FİFA insidentlərlə bağlı araşdırmaya başlayıb.

Əvvəlcə rəqib komandanın azarkeşləri dava ediblər. Sonra isə Braziliya polisi qonaq komandanın tərəfdarlarına qarşı aqressiv hərəkətlər edib. Argentinalı futbolçular buna etiraz əlaməti kimi meydanı tərk edərək paltardəyişmə otağına yollanıblar. Arzuolunmaz hadisələrə görə oyun yarım saat gec başlayıb.
FİFA insidentlərə görə Braziliya millisini növbəti ev oyununda boş tribunalar qarşısında oynamaq, hətta bir neçə xaldan məhrum etmək ilə cəzalandıra bilər. Yeri gəlmişkən, hazırda turnir cədvəlinə Argentina 15 xalla başçılıq edir. Braziliya isə 7 xalla 6-cı yerdədi.