Qavinin ağır zədə alması “Barselona” rəhbərliyini ona indidən layiqli əvəzləyici tapmağa vadar edir.

“Football-plus.az” xəbər verir ki, “Mundo Deportivo” qəzetinin məlumatına görə, klub “Tottenhem”in yarımmüdafiəçisi Covani Lo Çelsonu transfer etməyi planlaşdırır. İspaniya nəhəngi argentinalı futbolçunu gələn ilin yanvarında icarəyə götürmək istəyir. “Barselona” Covanini birdəfəlik transfer də edə bilər. Bu isə klubun maliyyə vəziyyətindən asılı olacaq.
Lo Çelsonun “Tottenhem” ilə müqaviləsinin müddəti 2025-ci ilin yayına qədərdi. “Transfermarkt” internet portalı onu 14 milyon avro dəyərləndirir.