"Karvan"ın müdafiəçisi Uensley Ondonun "football-plus.az"a müsahibəsi...

- 1-ci liqanın 8-ci turunda "İmişli" ilə heç-heçə etdiz. Komandada qələbə üçün nə çatmadı?
- Hər şey normal idi. Hücumlar edirdik. Oyunda üstün tərəf biz idik. Qələbə qazanmaq üçün hər şey edirdik. Görüş ərzində 1 dəfə səhv etdik. Onda da qapımızdan qol buraxdıq. Növbəti oyunda mütləq qələbə qazanmalıyıq ki, burdakı xal itkisini siğortalayaq.

- Bu görüşdə 2 xal itirdiyinizi düşünürsən?
- Əlbəttə ki! Qələbəyə layiq oyun sərgiləyən biz idik. Müdafiədə bir səhvə yol verdik. Onlar da qol vurdular. Təbii ki, biz xal itirdik.

- Çoxları "Karvan"ın heyətində kifayət qədər yaxşı oyunçuların olduğunu söyləyir. Səncə, çempionluğa oynaya biləcək potensialdasız?
- Əlbəttə ki! Niyə də yox? Heyətimizdə güclü futbolçular var. "Karvan"ı çempion edə biləcək məşqçiyə sahibik. Möhtəşəm kollektivimiz var. Premyer-liqada oynamağa layiq komandayıq.

- Yevlaxdakı həyatın necədi?
- Əla!

- Həqiqətən?
- Əlbəttə! Niyə təəccüblənirsiz?

- Bir çox əcnəbi futbolçular Bakıdan başqa rayonlara gəlmirlər. Çünki onlar şəhər həyatına daha çox üstünlük verirlər...
- Mən Yevlaxı sevirəm.

- Həqiqətən?
- Əlbəttə ki! Düzdü, Bakı möhtəşəm şəhərdi. Lakin Yevlax da əla yerdi. Zaqatala, Saatlıya nisbətdə Yevlax daha gözəldi. Bizim üçün burda hər şərait qurulub. Niyə sevməyim ki, bu şəhəri?

- Bildiyim qədəri ilə qardaşın da "Zaqatala"da çıxış edir. O da səninlə eyni fikirdədi?
- Bəli. Qardaşım da Azərbaycana heyrandı. Bura çox gözəl ölkədi.

- Qabonun 21 yaşadək futbolçulardan ibarət milli komandasına namizədsən. Düşünürsən ki, yığmaya çağrılacaqsan?
- Əlimdən gələni edirəm. Mütəmadi olaraq oyunlara çıxıram. Bu da mənə fayda verir. Düşünürəm ki, yığmaya dəvət olunacam.

- Baş məşqçi ilə danışmısız?
- Hər oyunumdan sonra mənlə əlaqə qurur. O da deyir ki, belə davam etsən, yığmaya çağrılacaqsan...

İLKİN SULTANLI