"ABN-Bərdə"nin süqutundan sonra rayonumuz futbolsuz qaımışdı. Şükürlər olsun, bu il ağsaqqallarla birlikdə yeni klub yaratdıq ki, Region Liqasında çıxış edək. Ona görə də 5 aydan artıqdı stadionumuzu da öz vəsaətimiz hesabına təmir edirik. Mən, Ağsaqqallar Şurası və AFFA-nın Qarabağ zonası üzrə rəsmisi Əli Şərifovun da köməyi ilə torpaq gətirdik, su xətləri çəkdik, şlanqlar, ot biçən maşınlar aldıq. Gərgin iş aparırdıq. Amma bu gün səhər saatlarında FHN, “Azəriqaz”, “Azərişıq” və digər qurumlar stadionumzda tədbir keçirəcəklərini dedilər. Ağır texnikanı futbol məkanımıza soxdular. Təxminın saat 10.30-dan 12.00-a qədər orda tədbir, baxış, hazırlıq keçdilər. Bundan sonra min cür əzab-əziyyətlə yaratdığımız ot örtüyünün müəyyən hissələri yararsız hala salındı. Tədbiri təşkil edənlərə “heç olmasa, vurduğunuz ziyanı aradan qaldırmaq üçün kömək edin, aidiyyatı qurumlara göstəriş verin ki, qazonumuzu əvvəlli halına salsınlar” dedik. Onlar da "hə, hə" deyərək yola verib getdilər. Belə halın yaşanmasına etiraz edirik. Biz heç kimdən dəstək alan klub deyilik. Ancaq öz gücümüzlə ayaqüstə qalmağa çalışırıq. Heç İcra Hakimiyyətindən də dəstəyimiz yoxdu. 13 ildi kresloda əyləşən rayon başçısının, ümumiyyətlə, stadiondan və klubdan xəbəri yoxdu. Əvvəllər bir neçə dəfə ondan kömək istəsək də, laqeydlik göstərdi. Sözüm odu ki, heç kimdən bir xeyir yoxdu, heç olmasa, mane olmasınlar. Məqsədimiz Bərdədə futbolu yenidən inkişaf etdirməkdi". 

"Bərdə futbol ənənələri olan bölgədi. Sovetlər zamanı "Pambıqçı" adlı komandamız var idi. Özüm də onun heyətində oynamışam. Futbolu yenidən Bərdədə populyarlaşdırmaq istəyirik. Qarşımıza hədəf kimi qrupdan çıxmağı qoymuşuq. Həftədə iki dəfə məşq keçirik. 8 yoxlama matçında da qüvvəmizi sınamışıq. Aşağı-yuxarı zəif yerlərimizi bilirik. Heyətimizdə iki nəfərdən başqa haməsə bərdəli uşaqlardı. Yeniyetmələrimiz də var. Ən təcrübəlimiz 34 yaşlı Cabbar Hacıyevdi. O,  kapitanımız olacaq. Cabbar həmçinin uşaq komandamızda məşqçi də işləyir. Çalışacağıq ki, turnirə uğurla başlayaq və Bərdəni layiqincə təmsil edək".