“Noyabrın 15-də İsveçrənin Cenevrə şəhərində təşkil ediləcək konfransa da qatılacam”
Xəbər verdiyimiz kimi, “Qəbələ”nin baş meneceri Nail Kərimov Avropa Klublar Assosiasiyasına (ECA) təyinat alıb. O, 2023-27-ci illəri əhatə edən tsikldə ECA-nın namizədliyini verdiyi uşaq futbolu üzrə işçi qrupun üzvlərindən biri olacaq.
Bu məsələ ilə bağlı Nail bəy fikirlərini "Football-plus.az"la bölüşdü:
"İşimizin nə olacağı daha ətaflı birinci iclasda müəyyənləşəcək. Həmçinin də noyabrın 15-də İsveçrənin Cenevrə şəhərində təşkil ediləcək konfransa da qatılacam".
Qeyd edək ki, qrupa Niderland təmsilçisi “Feyenoord”un baş meneceri Dennis de Kloyse rəhbərlik edəcək. Uşaq futbolu üzrə işçi qrupun əsas missiyası akademiyaların fəaliyyəti, beynəlxalq turnirlərin təşkili, uşaqların müdafiəsi, ilk peşəkar müqavilə, beynəlxalq hüququn uşaq futboluna təsiri, uşaq-gənclərin, məşqçi və menecerlərin təhsili və başqa məsələlərdi. İşçi qrup il ərzində keçirdiyi 5-8 iclasla öz fəaliyyətini tənzimləyir.
CAVİD ƏLİYEV
Digər xəbərlər
