2 sərbəst güləşçimiz Albaniyanın paytaxtı Tiranada keçirilən U-23 dünya çempionatında gümüş medal əldə edib.

"Football-plus.az" xəbər verir ki, Zirəddin Bayramov (65 kq) və Əşrəf Aşırov (79 kq) yalnız finalda məğlub olub. Onlar müvafiq olaraq İbrahim İbrahimov (AİN) və Maqomed Maqomayevə (AİN) yenilib.

Kənan Heybətov (70 kq) isə bürünc medal qazanıb.

Qadın güləşçi Elnurə Məmmədova (50 kq) da bu gün 3-cü yer uğrunda qarşılaşmaya çıxacaq.

Qeyd edək ki, daha əvvəl Abdulcəlil Şabanov (92 kq) və Vaxit Qalayev (125 kq) bürünc mükafata sahib olublar.