“Bəli, bu layihəni davam etdirmək fikrindəyik. Hətta 8 və ya 4 komandadan ibarət turnir təşkil etmək niyyətindəyik. Əvvəlki layihədə olanlar yenidən bizdə qalacaq. Yeni tanınmış simalar da kollektivimizə qoşulmağa müsbət yanaşır. Məsələn, karateçi Rafael Ağayev, MMA döyüşçüsü Tofiq Musayev, sabiq futbolçulardan Yunis Hüseynov, Vəli Qasımov, Nazim Süleymanov var. Nazim müəllim Rusiyada belə yarışın keçirildiyini və Azərbaycanda da olacağı üçün kömək edəcəyini bildirdi. Lakin o, hazırda “İrəvan”ı çalışdırdığına görə vaxt baxımından çətindi. Ancaq dəstək olacağını deyib. Forma sponsorlarımız “Kirpi Tekstil” və “Sock Tailor”du. Sadəcə, vaxt məsələsinə görə qalmışıq. Bir çox uşaqların başqa işləri olduğu üçün bir yerə yığışa bilmirik. İndi oktyabrın sonuna kimi gözləyəcəm. Alınmasa, qalacaq növbəti ilin yayına. Çünki soyuqda bunu təşkil etmək mümkün olmayacaq”.