"Artıq uzun müddəti bu komanda ilə işləyirəm. Təlim-məşq toplanışımız pis keçmir. Düzdü, heyətimizdə olan bəzi oyunçular artıq bizimlə deyil. Uşaqlardan bəziləri həqiqi hərbi xidmətə yollandı, bəziləri isə zədəlidi. Şükürlər olsun, əlimizdə olan heyət də yaxşıdı. Özbəkistanla matça gəlincə, məğlubiyyətin səbəblərindən biri də futbolçumuz Musa Məmmədovun oyun zamanı sudurğa keçirməsi oldu. O, bir epizodda boynu üstə yerə düşdü. Hamımız şok keçirdik. Bu hadisə kollektivə çox pis təsir etdi. Belə hadisədən sonra oynamaq çətin idi. İndi şükür ki, Musa yaxşıdı və bizimlə birlikdə oteldədi. Bilirsiz ki, hər şeydən önəmli cansağlığıdı".

"Bilirsiz ki, futbolçu seçimimiz geniş deyil. Ancaq bu uşaqlara çox inanıram. İnşallah, hər şey yaxşı olacaq. Gələcək turnirlərə kimi toparlanacağıq".