Titenin yeni iş yeri müəyyənləşib. Braziliya yığmasının sabiq baş məşqçisi 10 aydan sonra yeni təyinat alıb.

"Football-plus.az" xəbər verir ki, o, “Flamenqo”nun baş məşqçisi təyin olunub. Rio de Janeyro klubunun saytının məlumatında məşqçilər korpusuna Titenin köməkçiləri Mateus Baçi, Kleber Ksavye və Sezar Sampayo, həmçinin fiziki hazırlıq üzrə məşqçi Fabio Mahseredcan ilə analitik Lukas Oliveyranın daxil olduğu qeyd edilib. Tite sentyabrın sonunda istefaya göndərilən argentinalı Xorxe Sampaolinin yerini tutub.

62 yaşlı mütəxəssis 2016-cı ilin yayından 2022-ci ilin sonuna qədər Braziliya yığmasını çalışdırıb. Milli komanda onun rəhbərliyi altında 2019-cu ildə Amerika Kubokunun qalibi olub, 2021-ci ildə bu turnirin finalında Argentinaya uduzub (0:1), DÇ-2018 və DÇ-2022-də isə 1/4 finala qədər irəliləyib. Qətərdə keçirilən son mundialdakı uğursuzluq Titeni istefaya yollanmağa vadar etmişdi.