Şəkililərin prezidenti darmadağın gözləmirmiş
Oktyabrın 2-3-də 2-ci liqada 5-ci turun oyunları keçirilib.
Mövsümə yaxşı başlayan "Sheki City" doğma meydanda gözlənilmədən "Qusar"a 0:5 hesabıyla uduzub. Şəki təmsilçisinin darmadağına məruz qalmasıyla bağlı klub prezidenti Elgün Hüseynovun reaksiyasını öyrəndik:
"Heyətlə bağlı itkilərimiz var idi. Amma yenə də belə oyun, məğlubiyyət gözləmirdik. Görünür, rəqib bizi çox yaxşı təhlil etmişdi. İlk 17 dəqiqədə standart vəziyyətdən üç qol buraxdıq. Ondan sonra heç cür toparlana bilmədik və daha iki qol buraxaraq acı məğlubiyyət yaşadıq. Komandadakı boşluqları, çatışmazlıqları aradan qaldırıb növbəti oyunlara köklənəcəyik".
ABDULLA İSMAYILOĞLU
Digər xəbərlər
