"Əslində qarşıda daha çox oyunlarımız olduğu üçün bu gün mənə istirahət vermişdilər. Lakin 3-cü setdə oyuna daxil oldum və əlimdən gələni elədim ki, kuboku qazanaq. Bu nəticə bizim üçün çox böyük motivasiya oldu. İnanıram ki, davamı gələcək".

"Hər il olduğu kimi, bu mövsümdə məqsədimiz Macarıstan çempionu və ölkə kubokunun qalibi olmaqdı. Ən əsas da ÇL-də yaxşı oyun göstərmək, bacardığımız qədər savaşmaq niyyətindəyik".

"Son vaxtlar voleybolumuzun inkişafı üçün görülən işləri izləyirəm və bu, məni həqiqətən çox sevindirir. Bu il ölkə çempionatının səviyyəsi də son illərlə müqayisədə daha yüksək olacaq. Bu da çox sevindirici haldı. Ümid edirəm ki, tez zamanda çempionatımız yenidən əvvəlki nüfuzuna qayıdacaq. Əvvəllər olduğu kimi yenə dünyanın tanınmış və aparıcı oyunçuları Azərbaycan çempionatında çıxış edəcəklər. Əlbəttə ki, belə halda bizlər də yenidən ölkə çempionatında çıxış etməyə hazırıq".