Bosniya və Hersoqovinada Savo Miloşeviçin yığma komandanın baş məşqçisi postuna gətirilməsi böyük müzakirələrə səbəb olub.

"Football-plus.az" xəbər verir ki, ölkənin futbol ictimaiyyəti 50 yaşlı mütəxəssisin təyinatını dəstəkləmir. Məsələ burasındadı ki, Savo Miloşeviç 1990-99-cu illərdə keçmiş Yuqoslaviya ərazisində baş verən qanlı hadisələrin və soyqırımların əsas səbəbkarı, Serbiyanın sabiq prezidenti Slobodan Miloşeviçin böyük pərəstişkarıdı. Məhz Slobodan Miloşeviç və onun ''qüdrətli Serbiya'' yaratmaq arzuları üzündən 90-cı illərdə Xorvatiya, Bosniya və Herseqovina, eləcə də Kosovodo ümumilikdə 250 mindən çox insan qətlə yetirilmişdi. Savo Miloşeviç isə əvvəlki açıqlamalarında Slobodan Miloşeviçi dəstəklədiyini, onu sevdiyini bildirmiş, eləcə də onun yuxarıda qeyd edilən ölkələrə hücumları üçün əlində tutarlı səbəb olduğunu vurğulamışdı. İnsanlığa qarşı soyqırımda günahlandırılan Slobodan Miloşeviç 2001-ci ildə Haaqanın keçmiş Yuqoslaviya məsələləri üzrə beynəlxalq tribunalının qərarı ilə həbs olunmuş və 2006-cı ildə həbsxanada dünyasını dəyişmişdi. Daha öncə ''Partizan'' və ''Olimpiya''nı çalışdıran Savo Miloşeviçin bu təzyiqlərin fonunda yeni vəzifəsində nə qədər qalacağı maraq doğurur.

Xatırladaq ki, iyunda Lüksemburqa məğlubiyyətdən sonra əvvəlki baş məşqçi Faruk Hacibekiç istefa vermişdi. Ümumiyyətlə, bosniyalılar AÇ-2024-ün seçmə mərhələsini çox zəif keçirirlər. Komanda 6 oyuna cəmi 6 xal toplayıb və öz qrupunda 4-cü pillədə qərarlaşıb.

ƏLİ