“Bu günə şükürlər olsun. Allah şəhidlərimizə rəhmət etsin, qazilərimizə cansağlığı nəsib etsin. Ali baş komandanımızın uğurlu siyasəti, əsgərlərimizin şücaəti, xalqımızın birliyi sayəsində bu günləri görürük. Təbii ki, Qarabağa futbol geri dönəcək. Bu gün orda işlər gedir. Binalar, yollar, stadionlar tikilir. 2-ci liqada Qarabağ bölgəsini təmsil edən klublar var. “Füzuli”, “Cəbrayıl” çempionatda iştirak edir. Biz onları böyük futbola da hazırlayırıq. Düzdü, arada səhvlər olur. Amma hamısı düzələcək. Ümid edirəm ki, həmin komandalar yaxın zamanda öz doğma yurdlarında çıxış edəcəklər. Təbii ki, bunun üçün vaxt lazımdı. Stadionlar, arenalar tikilməlidi. Bilirsiz ki, Ağdamda böyük stadion tikilir. Xankəndidəki stadionda kubokun finalının keçirilməsi? Niyə də yox?! Mən indi durub desəm ki, bu kubokun finalı orda keçiriləcək, doğru çıxmaz. Bunun üçün zaman lazımdı. Tam işlər bitəndən sonra ora baxılmalıdı. Çünki biz həmin stadionu ancaq şəkillərdən görmüşük. İnşallah, az qalıb. Canlı görmək də mümkün olacaq. Düşünürəm ki, təkcə kubokun finalını yox, milli komandaların oyunlarını da orda keçirmək olar”.