PSJ-nin oyunçuları başlarına iş açıblar. Bir neçə futbolçu cəzalana bilər.

"Football-plus.az" xəbər verir ki, onlar Fransa çempionatında “Marsel” üzərində qələbədən (4:0) sonra azarkeşlərin olduğu tribunalara yaxınlaşaraq rəqibi təhqir ediblər.

“Park de Prens” stadionunda quraşdırılan videokameralara Əşrəf Hakimi, Leven Kurzava, Usman Dembele və Randal Kolo Muaninin marsellilərin ünvanına təhqiramiz qışqırıqlar yönəltdikləri aydın görünür.

“Le Parisien” qəzeti Liqa 1-in Nizam-İntizam Komitəsinin onların bu davranışı ilə bağlı araşdırmaya başladığını və futbolçuların cəzalana biləcəklərini xəbər verib.